Ахсынньы 17 күнүгэр Хадаар нэһилиэгэр «Живые голоса ветеранов» («Бэтэрээннэр тыыннаах куоластара») диэн дьиҥнээх олоххо олоҕуран оҥоһуллубут документальнай киинэ премьерата буолла. Бу дьоһуннаах тэрээһиҥҥэ биһиги, Хайахсыт орто оскуолатын «Мичээр» медиа-киин юнкордара, ыҥырыылаах ыалдьыт быһыытынан сылдьан, киинэни аан бастакынан көрөр чиэскэ тигистибит.
Хадаар сынньалаҥ киинэ толору дьонунан мустубут. Ыҥырыылаах ыалдьыттар, нэһилиэк олохтоохторо, үөрэнээччилэр, учууталлар Улуу Кыайыы 80 сылыгар анаммыт киинэни бииргэ көрдүлэр.
Киинэни көрүөхпүт иннинэ Семён Дмитриевич Флегонтов аатынан Хадаар орто оскуолатын дириэктэрэ Пётр Петрович Тарасов: «2025 сыл саҥатыгар биһиги оскуолабыт Арассыыйа Президенин креативнай индустрия Фондатын Гранын кыайыылааҕынан буолбута. Бу ылбыт Граммытын олоххо киллэрэр сыралаах үлэбитин түмүктүүр, дьоммутугар-сэргэбитигэр билиһиннэрэр бэлиэ күммүт тиийэн кэллэ. Биһиги дойдубут историябытыгар буолан ааспыт Аҕа дойду Улуу сэриитин алдьархайын тыыннаах туоһуларын, ол кэмҥэ олорон ааспыт дьоннорбут туһунан бэйэбит үөрэнээччилэрбит оҥорбут киинэлэрин көрүөхпүт», – диэн бэлиэтээн эттэ.
Киинэ устата саалаҕа уу-чуумпу буолла. Көрөөччүлэр дууһаларын таарыйар мүнүүтэлэргэ дууһаларын таарыйтардылар.
Киинэ кэнниттэн миэхэ эмиэ араас дириҥ санаалар киирдилэр. Сүрүн соруга – кэлэр көлүөнэлэргэ сэрии алдьархайын, кутталлаах содулларын уонна дьоҥҥо хайдах гынан дьайарын, ханна да олордуннар, хайдах ыараханын туһунан элбэх дьоһуннаах ыйытыылары таһаарар эбит дии санаатым.
Бу киинэ дьиҥнээхтик киһи дууһатын таарыйар. Төһө да ыарахан тиэмэни таарыйдар, сүрдээх сэргэх, оҕо, юнкор үлэтэ көстөр. Сэрии кэмин ааспыт дьон туһунан чахчылары кэпсиир. Кинигэттэн ааҕыыны уонна киинэттэн көрүүнү тэҥнээтэххэ, киһи санаата олох атын буолар диэн түмүккэ кэлэҕин. 21-с үйэҕэ кинигэни ааҕар киһи аҕыйах. Ол иһин билиҥҥи олоххо киинэнэн дьон быдан үчүгэйдик өйдүүр. Бу киинэ билиҥҥи кэмҥэ норуот сэриигэ хайдах сыһыаннаһарын туһунан эмиэ толкуйдатар.
Төрөөбүт сирин күүскэ таптыыр, дойдутун туһугар олоҕун толку уурар хосрун санаалаах дьоннорбут олох ханнык да кэрдиис кэмигэр бааллар. Бу киинэни көрөн баран ол барыта киниэхэ тус бэйэтигэр, кини чугас дьонугар сэрии ыар охсууну аҕалар диэн санааҕа кэлэҕин.
Вика БОРИСОВА, Х кылаас,
А. П. Илларионов аатынан Хайахсыт орто оскуолата, Чурапчы
Корреспонденнар: Лиана Каженкина, Сандаара Борисова,
Лилия Маркова, Вика Борисова
Видео, монтаж: Лилия Маркова, IX кылаас