Сэтинньи 28 күнүгэр оскуолабыт кыргыттарыгар норуот маастардара Наталия Егоровна Андросова уонна Людмила Никитична Готовцева маастар-кылаас ыыттылар.
Наталия Егоровна биһиги нэһилиэк биир уран тарбахтаах маастара буолар. Кини сукунанан тигии туһунан кэпсээтэ. Таҥас кырыдаһыннарын кырыйан хартыына оҥорон тигэр эбит. Билигин саҥа оҥоро сылдьар хартыынатыгар биһиги сэбирдэх тигэн көрдүбүт.
– Бастаан утаа ыарахан буолуо. Онтон кэлин үөрэннэххэ, олус судургу уонна интэриэһинэй дьарык, – диир кини.
Онтон Людмила Никитична кылынан баайыыны үөрэттэ. Кылынан оҕо даҕаны баайыан сөп эбит.
– Кылы өрө үөрэнэргэ судургутук боруостуой быаттан саҕылыахха наада. Кылынан араас киэргэл оҥостуоххутун сөп. Бастаан өрөргө ыарахан. Кэлин үөрэнэн, сатаан истэххэ, судургу буолар, – диэн этэр кини. Людмила Никитична инникитин оҕолорго кылынан өрүү куруһуогун үөрэтиэн баҕарар.
Ити курдук биһиги нэһилиэккэ олус талааннаах дьоннор олороллорун бэлиэтиибит. Оскуолабыт кэрэ куолара бу үөрэммитэрин өссө эбии сайыннаран инникитин эбии дохуот да курдук оҥостуохтара. Людмила Никитична Готовцеваҕа уонна Наталия Егоровна Андросоваҕа тиэрдэбит!
Снежанна ГОТОВЦЕВА, IX кылаас,
М.Н.Готовцев аатынан Танда орто оскуолата, Уус Алдан