Сэтинньи 21 күнүгэр биһиги Н.Е. Мординов-Амма Аччыгыйа аатынан Харбалаахтааҕы үөрэхтээһин холбоһугар дьоро күн буолан ааста. Бу күн тапталлаах оскуолабыт төрөөбүт күнэ!
Сарсыардаттан төрөппүттэргэ аһаҕас уруоктар ыытылыннылар. Бу тэрээһини 5 кылаас кэлэктиибэ олус үчүгэйдик тэрийэн ыытта, кылаас салайааччыта В.П. Трофимова. Кинилэр бэлэмнэнэ сылдьан, кылаастарга ыҥырыы таһаарбыттара. Төрөөбүт күҥҥэ оскуолаҕа кылааһынан тугу эмэ бэлэхтиэҕиҥ диэн. Ол ыҥырыыны бастакынан К.И. Старостина учууталлаах 2 кылаастар өйөөн уулусса гирляндатын бэлэх уунан киирэр ааҥҥа ыйаатылар.
Оттон атын кылаастар бары бэлэхтээх кэлбиттэрэ. Бу тэрээһини 5 кылаас үөрэнээччилэрэ бэйэлэрэ салайан (ведущайдаан) ыыттылар.
Оскуола директора Л.А. Афанасьева үөрүүлээх күнүнэн эҕэрдэлээтэ. Кини иккис дьиэҕитин, билии-көрүү храмын куруук харыстааҥ, таптааҥ диэтэ.
Тэрээһин түмүгэр бэһистэр барыбытын минньигэс туордунан күндүлээтилэр. Бу туортары 5 кылаас төрөппүттэрэ астаан аҕалбыттар, кинилэргэ барҕа махталбытын тиэртибит. Бары олус астынан, үөрэн-көтөн тарҕастыбыт.
Яна Севастьянова, 3 кылаас үөрэнээччитэ,
Н.Е. Мординов-Амма Аччыгыйын аатынан Харбалаахтааҕы үөрэхтээһин холбоһуга.
keskil14.ru