Биһиги күһүҥҥү сынньалаҥнарга Москва уонна Питер курдук улахан куораттарга «Интегра» киин көмөтүнэн профориентационнай турга сылдьан, элбэҕи билэн, өрөбүллэрбитин туһалаахтык атааран кэллибит. Манна уопсайа 35 оҕо буолан сырыттыбыт.
«Интегра» профориентационнай киин оскуола оҕолоругар идэлэрин, үрдүк үөрэх кыһатын таларга көмөлөһөр. Каникул кэмигэр республика араас муннугуттан оҕолору түмэн дойдубут киин куораттарынан профориентационнай тур ыытар. Ол курдук, МГУ, СПБГУ, МГТУ Баумана онтон да атын университеттары оҕолорго көрдөрөр. Билигин «Интегра» выпускникатара Арассыыйа, Кытай, Казахстан университеттарыгар ситиһиилээхтик үөрэнэ сылдьаллар диэн «Интегра» салайааччыта Василина Юрьевна Николаева сырдатта.
Көтөн тиийэн, оҕолорбутун кытта билсиһэн, гуманитарийдар уонна технарьдар диэн арахсыбыппыт. Гуманитарийдар уопсайа 7-8 ВУЗтарга сырыттыбыт. Бу сылдьыбыт үрдүк үөрэх кыһаларыттан мин саамай ордук сөбүлээбит үөрэхтэрбинэн РАНХиГС уонна МГЮА буоллулар. ВУЗ студеннара бэйэлэрэ олус үчүгэйдик, оҕо интэриэһин тардардыы кэпсээбиттэрэ, санаабытын көтөхпүттэрэ. Ол иһин Москваҕа эбэтэр Питерга үөрэнэ киириэм диэн сыал-сорук туруоруннум.
«Интегралар» программалара олус сэргэх уонна интэриэһинэй этэ, наар үөрэхтэринэн эрэ сылдьыбакка, «Третьяковская галерея», «Эрмитаж» курдук культурнай сирдэринэн, оннооҕор Государственнай Думаҕа киирэ сылдьыбыппыт. Ону таһынан, хас киэһэ аайы көр-күлүү аргыстаах билэр-көрөр оонньуулары оонньоппуттара. Онтон туурбут бүтүүтэ Саха сириттэн сылдьар Москва студеннарын кытта көрсүбүппүт. Кинилэр эмиэ биһиги курдук бу «Интегра» профориентационнай тууругар сылдьан, Москваҕа киирэбит диэн сүрэхтэммиттэр этэ. Студеннар кэлэн ханнык үөрэххэ үөрэнэллэрин, хайдах туттарсыбыттарын уонна студент олоҕун туһунан кэпсээбиттэрэ.
Профтур кэмигэр хас биирдии оҕоҕо «зачетнай книжка» биэрбиттэрэ. Бу манна тьютордар хас биирдии оҕону кэтээн көрөн, араас сатабылларын сыаналыыллар. Оҕо студент олоҕор бэлэмин, ханнык хаачыстыбата үчүгэйин, ханнык сатабылыгар эбии үлэ наадатын анализтанан көннөрүнэригэр туһалаах зачетка эбит.
Манна биһигини кытта бииргэ тьютордарбыт Екатерина Михайловна, Диана Резвановна уонна Нонна Владиславовна сырыттылар. Диана Резвановна, ХИФУ Физико-техническэй институтун 3 курсун студена, маннык диэн кэпсээтэ:
Эһиги «Москва-Питер» профтур 21-с потогун оҕолороҕут. Күһүҥҥү сынньалаҥ бэриэмэтигэр биһиги икки улуус уонна куорат оскуолаларыттан 35 оҕону илдьэ бара сырыттыбыт. Бары олус истиҥ санаалаах оҕолор, бэйэ-бэйэлэригэр көмөлөһөн, өйөһөн сырыттылар. Элбэх үөрэх кыһаларын кэрийдибит, оҕолор көтүппэккэ сырыттылар, баҕарбыт ыйытыыларын биэрдилэр. Ханнык үөрэххэ киирэллэрин толкуйданан кэллилэр буолуо дии саныыбын. Мин бэйэм оҕолору кытта алтыһарбын уонна уопсайынан Профтурдары салайарбын олус сөбүлээтим. Василина Юрьевнаҕа миэхэ эрэнэн, итэҕэйэн, бачча эппиэтинэстээх тэрээһиҥҥэ миигин ылбытыгар, уонна маннык үчүгэй тэрээһин тэрийбитигэр махтаныам этэ. Оҕолорбут астыннылар, үөрдүлэр ини диэн эрэнэбин.
Профтурга сылдьыбыт оҕолор санааларын билээри, аҕыйах оҕоттон суруйалларыгар көрдөстүм.
Амелия Артемьева, Л.В.Киренскэй аатынан Амматааҕы лицей 9 «б» кылааһын үөрэнээччитэ:
Мне очень понравился этот осенний профтур Москва-Питер. Хочу еще раз с ребятами оказаться там. Этот профтур дал мне очень много мотивации для поступления в центральные ВУЗы нашей страны. Увидела как живут студенты, задавала вопросы, которые мне были интересны, педагоги и профессора сразу же отвечали на интересующие нас вопросы. Встретились со студентами из РС(Я), которые поступили и учатся в ВУЗах Москвы. Ребята с которыми я туда летала были очень прикольные, общительные и дружелюбные. Хочу сказать большое спасибо тьюторам, которые смотрели за нами всю неделю, они стали для нас самыми важными людьми в больших городах. Еще хочу сказать спасибо Василине Юрьевне за то, что она всё хорошо организовала, сделала точные планы на день. Хоть есть некоторые моменты, но они все равно не помешали хорошему впечатлению о профтуре. Этот профтур останется в моей памяти навсегда. Посетили такие интересные места, ВУЗы, музеи и т.д. Теперь я имею точную цель куда хочу поступить после 11-го класса. Всем советую этот профтур.
Айхал Антонов, Хаҥалас улууһун М.Е. Николаев аатынан Өктөмнөөҕү наука-үөрэхтээһин киинин 11 «б» кылааһын үөрэнээччитэ:
Бу мин бастакы профтурум буолар. Наһаа сөбүлүөм суоҕа дии санаабытым, ол эрэн барбыппыттан астынан кэллим. Василина Юрьевна наһаа таһаарыылаах, олус интэриэһинэй программа оҥорбутугар махтаныахпын баҕарабын. Бастакы ВУЗ — РУДН этэ, онно икки лекция аахпыттара уонна живописька олус астык мастер-класс көрдөрбүттэрэ. Иккис күҥҥэ РНИМУ барбыппыт, ВУЗ иһин көрбүппүт уонна бастакы суһал көмөнү оҥорууга курс ааспыппыт. Барытын сиһилии көрдөрбүттэрэ, кэпсээбиттэрэ уонна бүтэһигэр курсу ааспыппытын иһин туоһу сурук биэрбиттэрэ. Маны таһынан, Сколково Инновационнай киинигэр сылдьыбыппыт. Онно илии протеһын көрдөрбүттэрэ уонна экскурсия ыыппыттара. Түүн поездка олорон Санкт-Петербурка кэлбиппит. СПБГУ, СПБГЭУ тиийбиппитигэр хайдах бу үөрэххэ киирэрбитин кэпсээбиттэрэ. Күн бүтүүтэ Т-банк офиһыгар ыалдьыттаабыппыт, манна эмиэ экскурсия ыыппыттара уонна күннэрэ хайдах ааһарын, хайдах үлэҕэ ылалларын кэпсээбиттэрэ. Аныгыскы күҥҥэ ВШЭ-ҕэ үөрэххэ туттарсыы туһунан уһун лекция аахпыттара, ол кэннэ «Эрмитажка» барбыппыт уонна киэһээҥҥи поеһынан төттөрү Москвабытыгар айаннаабыппыт. Москва куоракка сарсыарда МГУ ФФМ сылдьан, араас мастер-класстары ыыппыттара: бастакы суһал көмөнү оҥоруу, эбиитин кутуйах сүрэҕин узи аппаратынан көрбүппүт. Ол кэннэ МГУ МЕХМАТ факультетыгар сылдьан лекция истибиппит. Профтур бүтүүтэ студеннары кытта кэпсэтии буолбута, «Интегра» выпускниктара кэлэн ыйытыыларбытыгар хоруйдаабыттара, араас сүбэлэри биэрбиттэрэ.
Маннык курдук биһиги күһүҥҥү өрөбүллэрбитин олус туһалаахтык атааран кэллибит. Дойду киин ВУЗтарыгар туттарсан киирэр кыахтаахпыт эбит диэн санаабыт көтөҕүлүннэ. Выпускниктарга туһаайан этиэм этэ – үөрэххитин быһаарынан идэҕитин сөпкө талыҥ, киһиэхэ баҕа эрэ наада, баҕалаах буоллаххына ханнык баҕарар үөрэххэ туттарсыаххын сөп эбит.
Сиһилии видео-матырыйаалга көрүҥ:
Валерия Романова, С.Н. Михайлов аатынан Чыамайыкы орто оскуолатын 11 кылааһын үөрэнээччитэ, «Проба пера» юнкора, Мэҥэ Хаҥалас