Тустууну тоҕо сөбүлүүбүнүй? Тустууктар күүстээхтэр, үчүгэй бырахсыылары оҥороллор. Ол иһин сөбүлүүбүн дии саныыбын.
Мин бэйэм хайдах тустарбын кэтээн көрөбүн. Тугу сыыстым, тугу сатаан оҥорботум диэн наар толкуйдуубун. Тустуук “короннай” приемнардаах буолар. Ол аата сөбүлээн туттар приемнара. Миэхэ “тилэхтээһин”, “кочерга”, “крест”, илиитин кытта накат, “күлүүс”, “вилка”, атахха киирии сатанар.
Дьарыкка халыҥ таҥас кэтэн баран сүүрэбит, прием оҥоробут. Тустууга элбэхтэ атакалаатаххына, прием оҥордоххуна биирдэ кыайаҕын. Таах тутуһан баран утарсааччын киирэрин күүтэн баран турдаххына, хоттороҕун.
Тустуунан дьарыктанарга сүрүн киһи – тренер. Биһиги тренербит Аркадий Николаевич Тастыгин. Кини биһигини толкуйдуурга үөрэтэр. Тренербит элбэх күрэхтэһиилэргэ судьуйалыырын көрөбүт. Көбүөргэ үлэлии сырыттахпытына, сүбэлиир, тустуу приемнарын бэйэбитигэр хайдах туһаныахтаахпытын көрдөрөр.
Мин кэтээн көрдөхпүнэ, Аркадий Николаевич биһиэхэ барыбытыгар наар биир приему үөрэппэт эбит. Ким ханнык приему үчүгэйдик туттарын көрөн үөрэтэр.
Алтынньы 8 күнүгэр оскуолабытыгар буолбут күрэхтэһиигэ бастаан Дьулусханныын тустубутум. Кини өттүктээбитигэр атахха киирэн охторбутум. Финалга Костялыын тустубутум. Костя атахха киирбитигэр кэннитигэр тахсан кыайбытым. Күрэх үчүгэйдик ааспыта.
Алик НОГОВИЦЫН, IV кылаас,
тустуу секциятын иитиллээччитэ, Эмис, Амма