Алтынньы 15 күнүгэр Семен Петрович Данилов аатынан Бэрдьигэстээх орто оскуолатыгар дьиҥнээх поэзия тыына арылынна. «Үрүҥ хаар алгыһа» аан дойдутааҕы бэстибээл чэрчитинэн үөрэнээччилэр уонна учууталлар Арассыыйа араас муннуктарыттан: Бразилия, Ирак, Монголия, Кытай Казахстан уонна Татарстан курдук сирдэртэн кэлбит бэйиэттэри алгыстаах алаадьылаах уруйдаан-айхаллаан көрүстүбүт. Бу үгэскэ кубулуйбут «Үрүҥ хаар алгыһа» бырайыагы саха норуотун бэйиэтэ Наталья Харлампьева көҕүлээбитэ. Бу бырайыак сайда турар саха ыччатыгар убайдыы норуоттар аныгы поэзияларын кытта билсэргэ кыаҕы биэрэр.
Кэлбит ыалдьыттар «Төрүт дорҕоон» этно-ансаамбыл күпсүүргэ толоруутун сэргии көрдүлэр. Оскуолабыт, саха норуотун бэйиэтэ Сэмэн Данилов аата оскуолабытыгар иҥэриллиитин, киниэхэ сүгүрүйэрбит туһунан 10-с кылаас үөрэнээччитэ Андрей Оленов омук тылынан билиһиннэрдэ. Семен Данилов түмэлигэр Дамир Албаев, Арина Лаптева уонна Илдьар Лаптев киэн туттар киһибит олоҕун, айар үлэтин туһунан олус дириҥ ис хоһоонноохтук кэпсээтилэр.
Аактабай саалаҕа суруйааччылар үөрэнээччилэри уонна учууталлары кытта сүрүн айар көрсүһүүлэрэ буолла. Кини хоһоонноругар – чиэһинэй буолуу, нарын быһыы-майгы уонна төрөөбүт дойдуга дириҥ таптал баар. Ону чаҕылхайдык алын сүһүөх үөрэнээччилэрэ “Кэс тыл” хоһоонунан дьүһүйүүнү, «Иэйии» ааҕааччылар бөлөхтөрө, «Төрүт дорҕоон» ансаамбыл иитиллээччилэрэ, «Аламай сулус» үҥкүү ансаамбыла көрдөрдүлэр.
«Биһиги биллиилээх саха бэйиэтин аатын сүгэр оскуолаҕа үөрэнэрбитинэн киэн туттабыт», — диэн оскуола бары үөрэнээччилэрин аатыттан уон биирис кылаас үөрэнээччитэ Сабина Сивцева тыл эттэ уонна умнуллубат сэмэй бэлэхтэри туттартаата. Салгыы ыалдьыттарбытын Семен Петрович Данилов төрөөбүт дойдутугар Мытаах нэһилиэгэр атаардыбыт.
Сиһилии видео-матырыйаалбытыгар көрүҥ:
https://t.me/mediacentrespd/805
Карина Яковлева, 10 «а» кылаас үөрэнээччитэ, “Сайдам” медиакиин эдэр кэрэспэдьиэнэ, Бэрдьигэстээх, Горнай