Намҥа «Түөлбэ» эбии үөрэхтээһинин киинигэр Саха Өрөспүүбүлүкэтин Судаарыстыбаннаһын күнүгэр аналлаах үөрүүлээх тэрээһин буолла. Тэрээһин Саха сирин Өрөгөй ырыатын толорууттан саҕаланна.
Библиотека үлэһитэ Ольга Ивановна Потапова саха чулуу уола Максим Кирович Аммосов олоҕун, үлэтин кэпсиир, көрдөрөр быыстапка туруоран бэсиэдэ оҥордо. Маны тэҥэ, Саха сирин историятын көрдөрөр экспозиция быыстапка оҥоһуллан тэрээһини киэргэттэ. Оҕо оонньуурдара, Пионерия атрибуттардаах, значоктардаах быыстапканы олус сэргээн көрдүбүт, элбэҕи биллибит, интэриэһиргээтибит.
«Саһарҕа» уонна «Кукольнай»студия оҕолоро бырааттыы Дьулустаан, Рустам уонна Айтал Ядреевтар Саха Сирин туһунан олус үчүгэй хоһоону аахтылар. Тэрээһин уопсай хаартыскаҕа түһүүнэн түмүктэннэ.
Бу кэнниттэн маастар-кылаастарга сылдьан уруһуйдаатыбыт, Сахабыт сирин былааҕын оҥордубут, харысхал бэлиэтин оҥорорго үөрэннибит, викторинаҕа кыттан дойдубут историятын, айылҕатын, сахалар төрүт үгэстэрин туһунан биллибит.
Үүнэ-сайда, чэчирии тур, тапталлаах Сахабыт Сирэ!
Эльза Данилова, 4-с кылаас, «Кыраайы үөрэтэр» куруһуок иитиллээччитэ, Семенова Н.И. эбии үөрэх педагога, куруһуок салайааччыта .
Нам сэл., З.А.Тихонова аатынан «Түөлбэ» эбии үөрэхтээһин киинэ.
keskil14.ru