Саха Өрөспүүбүлүкэтин Судаарыстыбаннаһын күнүн көрсө оскуолабытыгар араас тэрээһин ыытыллар.
Бүгүн олохтоох библиотекаҕа 5-11 кылаас үөрэнээччилэригэр медиа-уруок ыытылынна. Өрөспүүбүлүкэбит устуоруйатын кэрдиис кэмнэрин туһунан улуустааҕы киин библиотека оҥорбут үөрэтэр-сайыннарар суолталаах матырыйаалын көрдүбүт-иһиттибит.
Онтон «Радуга» оҕо тэрилтэтин лидердэрэ уонна орто сүһүөх кылаас оҕолоро автобуһунан «Мин мантан сэриигэ барбытым» обеликска тиийдибит. Аҕа дойду Улуу сэриитигэр дойдуларын хорсуннук көмүскээбит биир дойдулаахтарбыт өйдөбүнньүгүн таһын ыраастаан, сибэкки дьөрбөтүн уурдубут.
Кэлэн иһэн «Туругур, Дүллүкү!» бэлиэ сиргэ тохтоон, ыраастаан-хомуйан, хаартыскаҕа түһэн бүгүҥҥү тэрээһиммитин түмүктээтибит.
Элбэҕи билэн-көрөн, бэлиэ тэрээһиҥҥэ кыттыһан, күммүт туһалаахтык ааста. Биһигини оҕо тэрилтэтин салайааччыта Наталья Матвеевна Степанова, библиотекардар Яна Октябровна Борисова, Анна Леонидовна Васильева салайан илдьэ сырыттылар.
Александра Иванова, Айыына Петрова, IX кыл. Сааскыйа Васильева,X кыл. » Эрчим» медиакиин, Дүллүкү, Үөһээ Бүлүү