И.Н. Слепцов аатын сүгэр Кустуур орто оскуолатыгар «Бастыҥнар хамсааһыннарын» сүнньүнэн актыыбы талыы ыытылынна. Биһиги оскуолабыт бэрэсидьиэнигэр икки кандидат турда.
Ол курдук, оскуола бэрэсидьиэнин поһугар икки кандидат — 10 кылаас үөрэнээччитэ Владимир Попов уонна 8 кылаас үөрэнээччитэ Стас Попов актыыбтан талыллан турдулар. Иккиэн да оскуола олоҕор эрэ буолбакка, улуус, республика, аан дойду таһымыгар араас күрэхтэргэ оскуолабыт аатын ааттаппыт оҕолор буолаллар. Кинилэр оскуолабыт сайдарын туһугар киэҥ далааһыннаах бырагыраамаларын быыбар иннигэр оҕолорго кэпсээтилэр, боппуруостарга эппиэттээтилэр.
Тыҥааһыннаах быыбар күнэ сарсыарда 7:30 чаастан үлэтин саҕалаата. Быыбар бэрэссэдээтэлинэн 8 кылаас үөрэнээччитэ Сарыал Колесов, кини солбуйааччытынан Сардаана Слепцова (9 кылаас) уонна Алена Лугинова (8 кылаас) сүрдээх эппиэтинэстээхтик үлэлээтилэр. Ол курдук, дойдубут гимнэ доҕуһуоллаах быыбар саҕаланна.
Маҥнайгы быыбардааччы 5 кылаас үөрэнээччитэ Алеся Горохова саамай эрдэ кэлэн бастакы бүллүтүөнү укта. Быыбар түмүгүнэн: Владимир Попов 65% куолаһы ылан ырааҕынан кыайыылаах тахсан оскуолабыт бэрэсидьиэнинэн буолла. Стас Попов 32% бырыһыаны ылан, бэркэ кииристэ. Уолаттар иккиэн да улахан тургутууну аастылар. Оскуолабыт сайдарын туһугар эппиэтинэстээхтик, ылбыт былааннарын олоххо киллэрэн ситиһиилээхтик үлэлиэхтэрэ диэн эрэлбит улахан.
Видеоролик: https://vk.com/wall-199463452_30116
Святослав Слепцов, Кустуур орто оскуолатын 10 кылааһын үөрэнээччитэ,
«Биракчаан» медиакиин юнкора.