«Энергетика лета» сменаҕа төрүччүнү үөрэтиигэ бииргэ төрөөбүттэр эмиэ кэлэн үөрэнэ, сынньана сылдьаллар. Кинилэр кимнээҕий? Билсиэҕиҥ.
Ангелина, Иванна Мохначевскайалар Хаҥалас улууһун Улахан Аан нэһилиэгиттэн сылдьаллар. Лааҕыры олуһун сөбүлээбиттэрин этэллэр. Ордук лааҕыр иһигэр буолар тэрээһиннэри интэриэһиргииллэрин, Национальнай библиотекаҕа экскурсияны астыммыттарын кэпсээтилэр.
Эдьиийдии-балыстыы Ангелина уонна Иванна иллээхтэр, ол эрээри сорох ардыгар өйдөспөт түгэннэр эмиэ буолаллар эбит. Бииргэ төрөөбүттэр бэһиэлэр, саамай кыра балтылара 5 ыйдаах эбит. Кыргыттар ордук спордунан сөбүлээн дьарыктаналлар уонна уруһуйдуулларын эмиэ ордороллор. Ангелина боксаны ордук интэриэһиргиир, онтон Иванна — чэпчэки атлетиканы. Кыргыттар олус бэһиэлэйдэр. Билигин кинилэр ыалдьан дойдуларыгар тахсыбыттара, ол эрээри сотору лааҕырга кэлиэхтээхтэр. Күүтэбит!
Иккис этэрээккэ өссө биир бииргэ төрөөбүттэр бааллар. Айгуль уонна Павлира Кычкиналар. Кинилэр биир сыл арыттаахтар. Павлира 7 кылааһы бүтэрбит, Айгуль — алтыһы. Кыргыттар Кэбээйиттэн сылдьаллар. Үөрэхтэригэр туйгун үөрэнээччилэр, оскуола актыбыыстара. Төрүччүгэ иккиэн тус-туһунан тиэмэлээхтэр, холобур, Павлира ийэтин төрдүн-ууһун үөрэппит, онтон Айгуль аҕатын төрүччүтүн чинчийбит. Билигин ол туһунан кыргыттар кылгас ролик оҥоро сылдьаллар. Кинилэргэ ситиһиилэри баҕарабыт!
Мичийэ, Мичийээнэ Васильевалар,
Хатыы орто оскуолатын 9 кылааһын үөрэнээччилэрэ, Ньурба.
keskil14.ru