Оскуолабыт сайылыгар Чиирийэҕэ биир күн баран кэллибит. Сайылык сэмэй кыыһа Л.Н. Харитонов аатынан Маҕарас орто оскуолатын 7 кылааһын үөрэнээччитэ Амелия Григорьева үөрэ-көтө көрүстэ. Амелия олох кыра эрдэҕиттэн эбээлээх эһээтин кытары сайын аайы сайылыкка.
Амелия бу курдук кэпсиир:
— Сайылыкка наһаа үчүгэй, олох кыра эрдэхпиттэн эбээлээх эһээбин кытары сылдьабын. Быйыл сайын дьоммун кытары оскуола 41 ынаҕын ыыбыт, 42 ньирэйи аһатабыт. Өссө биһиэхэ индюктар бааллар. «Орто күөл» үлэ лааҕырын иһинэн балтыбын Доминиканы кытары үлэлиибит. Ынахтарбытын барытын аппараатынан ыыбыт, үүт эрийэбит, иһит-хомуос сууйабыт. Үлэбит күнэ сарсыарда биэс чаастан саҕаланар. Бу курдук киэһээҥҥи ыамҥа эмиэ бары көмөлөөн үлэбитин үмүрүтэбит. Дьоммор көмөлөһөбүн, элбэххэ үөрэнэбин. Сайылыгы наһаа таптыыбын, манна сибиэһэй салгын, уу-чуумпу, ону таһынан сип-сибиэһэй үүт, сүөгэй, сайылык оҕолорун кытары күнү быһа оонньуубут, сайыммытын туһалаахтык атаарабыт.
Сайылыкка наһаа элбэх ньирэйдэри, ынахтары, сылгылары көрөн сөхтүбүт. Наһаа дьикти, ураты үчүгэй сир баарын көрдүбүт.
Кырдьык даҕаны «түптэ сыттаах сайылыгым барахсан» диэн мээнэҕэ ырыаҕа ыллаабаттар эбит. Өссө да мааны сайылыкка кэлиэхпит диэн үөрэ-көтө, ыллыы-туойа дьиэбитигэр айаннаатыбыт.
Моника Андреева,
Аделина Текеянова,
«Орто күөл» лааҕырын оҕолоро.