Саха сирин араас муннуктарыттан биир сиргэ муһуннулар сымса тарбахтардаах, киэҥ сатабыллаах өрөспүүбүлүкэ биллиилээх маастардара.
Хас биирдии улуус бэйэтин туспа уратытын оҥоһуктарын нөҥүө көрдөрдө, дьонно биллэрдэ.
Холобур, Мэҥэ Хаҥалас улууһуттан ыалдьыттыы кэлбит Лена Николаевна Лукина. Кини олоҥхо ыһыаҕын бэйэтин ураты оҥоһуктарынан киэргэтэр сыаллаах-соруктаах кэлбит. Бэйэтэ этэринэн бэлэмнэниинии
сыл инниттэн саҕалаабыт, күүстээх дьарыгы ааһан, улууһунан талаллан кытта кэлбит.
Лена Николаевна, өбүгэлэрин үлэлэрин хостоон таһааран, дьиҥнээх саха таҥаһын оҥорон таһаарбытынан киэҥ туттар уонна инники көлүөнэ өбүгэлэр үгэстэрин умнубакка иистэниэхтэрэ диэн эрэнэр.
Өймөкөөн улууһуттан кыттыыны ыла кэлбит Винокурова Мария Петровна. Кини илдьэ кэлбит Өймөкөөн уран тарбахтардаах мастардарын оҥоһуктарын. Бэйэтэ этэринэн, улахан уратытынан кинилэр таҥастарыгар буолар таба моонньутун түүтүнэн тигиллибит, араас өҥнөөх көстүүм.
Мария Петровна бэйэтэ сыспай сиэллээх сиэлиттэн олус дьикти, туохха да майгынаабат хартыыналары, уруһуйдары оҥорор.
Афанасий КАНАЕВ, Таатта лиссиэйин 11 кылааһын үөрэнээччитэ