Улуу Кыайыы 80 сылыгар анаммыт үгүс тэрээһинтэн биирдэстэрэ «Блокада килиэбэ» акция буолар. Тэрээһиҥҥэ З.А. Тихонова аатынан «Түөлбэ» оҕо киинигэр дьарыктанар «Кыраайы үөрэтэр» куруһуок оҕолоро кыттыыны ыллылар.
Бу күн Кыайыы скверыгар И.С. Гаврильев аатынан Нам 1 №-дээх оскуола 3-с «в» кылааһын үөрэнээччилэрэ (кылаас сал. А.Е. Потапова) уонна Нам 2-с нүөмэрдээх орто оскуолатын үөрэнээччилэрэ (кылаас сал. В.В. Сивцева).
Таня хатыҥын таһыгар Т.К. Ядрихинская аатынан Намнааҕы социальнай-геронтологическай киин олохтоохторун тыыл ветераннарын, сэрии сылларын оҕолорун кытары көрүстүлэр. Ыытааччы Мария Матвеева, культурнай-маассабай үлэни тэрийээччи салалтатынан, киин олохтоохторо Блокада туһунан литературнай-музыкальнай монтаж (дьүһүйүү), хоһооннору олус долгутуулаахтык аахтылар. Оҕолор ыалдьыттарга анаан эҕэрдэ хоһоон аахтылар, бэйэлэрэ оҥорбут бэлэхтэрин открыткалары туттардылар. Бука бары саха саллааттарын Кыайыыга кынаттыыр «Хайыһар» ырыаны ыллаатылар.
Блокада – киһи тыыннаах хааларыгар эрэллээх суол. Оҕолор аҕа көлүөнэ хорсун быһыыларын, тулуурдарын туһунан өйдөбүллэрин үллэһиннилэр. Бу акция оҕолорго историяны дириҥник өйдүүргэ, патриотизм иэйиилэрин иҥэринэргэ көмөлөстө.
Кыайыы күнүн үөрүүлээх быһыыга бэлиэтиир, сэрии алдьархайдаах сылларын өйдүүр, эйэни харыстыыр – бу биһиги ытык иэспит. «Блокада килиэбэ» акция бу үтүө санааны өссө күүһүрдэр, кэлэр көлүөнэлэргэ тиэрдэр.
Намнааҕы «Түөлбэ» оҕо киинин эбии үөрэхтээһин тэрилтэтэ .
keskil14.ru