П.И. Яковлев аатынан Амма Наахара орто оскуолатыгар 2 кылааска 5 буолан үөрэнэбит, бары уолаттарбыт. Куруһуок кэмигэр «Бэлэм буол» сурунаал «уоскулаҥ» рубрикатыгар тахсар кроссвордары сөбүлээн таайабыт. Учууталбыт Надежда Андреевна Никифорова боппуруостарын ааҕан биэрэр, биһиги таайабыт. Саха сирин кыһыныгар уонна төрөөбүт тылга сыһыаннаах кроссвордары таайдыбыт. Сиэмэ бурдугу айаҕынан кутан эргитэр, мэлийэр таас диэн ыйытыгы бастаан билбэтэхпит. Онтон музейга көрбүппүт, суоруна диэн ааттааҕын билбиппит. Серошевскай туһунан учууталбыт кэпсээн биэрбитэ. Саха алпаабытын төрүттээбит Семен Новгородов туһунан ийэ тыл, сурук-бичик күнүгэр биллибит. Онон таайбараҥныы олорон элбэҕи билэбит-көрөбүт, ким эрэ билбэтэҕинэ көмөлөһөн биэрэбит. Кыайбатахпытына — учууталбыт тыл суолтатын быһааран биэрэр. «Уоскулаҥ» – барыбытын түмэр.
П.И. Яковлев аатынан Амма Наахара орто оскуолатын II кылааһын үөрэнээччилэрэ,
Амма