Сэтинньи 25 күнүгэр Оҕо айымньытын дыбарыаһын алын кылаас оскуолатыгар Олоҥхо күнүн көрсө 1-а кылаас үөрэнээччилэригэр Кыыл Уола аатынан Национальнай үҥкүү театрын артыыстара «Күн Боотур» олоҥхону куукуланан көрдөрдүлэр.
Артыыстар олоҥхону оҕолорго кэрэхсэнэр гына сэргэхтик, болҕомтону тардар гына интириэһинэйдик көрдөрөн-иһитиннэрэн ыалдьыттаан бардылар. Арассыыйа үтүөлээх, Саха сирин народнай артыыһа Дмитрий Артемьев олоҥхоһут, Күн Боотур, Эрчимэн Бэргэн, Сорук Боллур, Арсан Дуолай оруолларын итэҕэтиилээхтик толордо. Оттон аан дойдуга, Арассыыйаҕа ыытыллар күрэхтэр лауреата Василена Шарина Улан Айталы Куо, Айыы Умсуур Удаҕан, Кыыс Кыскыйдаан оруолларын ыллаан-туойан, хомуска доҕуһуоллаан көрдөрдө.
Кырачаан үөрэнээччилэр артыыстары испэктээк саҕаланыаҕыттан бүтүөр диэри болҕойон олорон иһиттилэр, сэргээтилэр. Ыалдьыттар оҕолору саха омугун үҥкүүтүнэн оһуохайынын үөрэ-көтө көрсүһүүнү түмүктээтилэр.
Саха омугун сүҥкэн баайын, олонхону, кэнчээри ыччакка сыһыара, тарҕата, сайыннара сылдьар дьон баарыттан үөрэбит уонна махтанабыт!
keskil14.ru