«Дьоһуннааҕы кэпсэтии» сэтинньи 25 күнүнээҕи дьарыга ийэҕэ аналлаах буолла. Бу күн оскуолабытыгар кылаас кылаас аайыттан «Таптыаҕын ийэни» диэн ырыа иһилиннэ.
Ырыаҕа «Ийэттэн төрүүллэр генийдэр, геройдар» диэн этиллэр. Дьарыкпыт аата ити тыллартан тахсыбыт эбит.
Биһиги үөрэнээччилэртэн дьарык туһунан санааларын ыйыталастыбыт.
Инесса Васильева, II кылаас:
– Бу уруок ийэлэр тустарынан буолла. Мин бу кэпсэтиигэ саамай саамай «Таптыаҕын ийэни» ырыаны сөбүлээбитим. Суруйааччы Сэмэн Тумат бу ырыа ийэлэр туһунан гимн диэбитин өйдөөн хааллым.
Матвей Шадрин, VIII кылаас:
– Бүгүҥҥү тиэмэбит “Ийэттэн төрүүллэр генийдэр, геройдар” диэн. Уруокка тугу да ыарырҕаппатым, барытын өйдөөтүм. Геройдар, генийдэр туһунан кэпсэтэн ааспыппытын сөбүлээтим. Холобур, Сталин, Никола Тесла, Эйнштейн. Кырдьык, кинилэр бары ийэттэн кэлбит дьон. Саамай өйдөөн хаалбытым «Таптыаҕын ийэни» ырыаны. Ааптардарым биллим. Ырыа тылын Эллэй Кулачиков суруйбут, мелодиятын биһиги биир дойдулаахпыт Ольга Иванова-Сидоркевич. Ырыаны бары кылааһынан ыллааттыбыт.
Ньургуйаана Васильевна Шадрина, алын кылаас учуутала:
– «Дьоһуннааҕы кэпсэтии» Ийэ күнүгэр аналлаах буолла. Сахалыы тылынан оҥоһуллан тахсар дьарык сценарийыгар Ольга Петровна Иванова-Сидоркевич, Серафим Романович Кулачиков –Эллэй төрөөбүт күннэрин оруобуна сөптөөхтүк киллэрбиттэрэ кэрэхсибиллээх. Олус интириэһинэй уруок буолла. Оҕолорго ийэҕэ аналлаах открытка уруһуй оҥордубут. Генийдэр уонна геройдар ийэттэн кэлэллэр диэни улаханнык сэргээтилэр, ийэ улахан оруоллааҕын өйдөөтүлэр. Бастакы бастакы Президеммит Михаил Ефимович Николаев ахтан аастыбыт. Мин санаабар, бу уруок оҕолорго ийэ баар буолан биһиги баарбыт диэн өйдөбүлү биэрэр гына дириҥ ис хоһоонноохтук, оҕоҕо тиийэр гына оҥоһуллубут.
Анастасия Дмитриевна Федорова, математика учуутала, кылаас салайаачччыта:
– Бу бэнидиэнньиккэ «Дьоһуннааҕы кэпсэтиигэ» «Ийэттэн төрүүллэр генийдэр, геройдар» диэн ааттаах дьарыгы ыыттыбыт. Сэмэн Тумат эппитин курдук, кырдьык, саха дьонугар ийэлэргэ гимн кэриэтэ ырыа буоларын өйдөөтүбүт.
Биир дойдулаахпыт Ольга Иванова-Сидоркевич ырыатын оҕолор билэллэр эбит. Онон ырыа ис хоһоонун ырытыһарга табыгастаах буолла. Бэйэм учуутал быһыытытнан саамай өйдөөн хаалбытым Эллэй дойдутугар, Таатта Чычымаҕар, олорбут дьиэтин таһыгар «Таптыаҕын ийэни» диэн ырыа буолбут хоһоонугар скульптора баар эбит.
Виталий НИКОЛАЕВ, Дайаана СОЛОВЬЕВА, Айгылаана ПЕТРОВА,
Арсен ШЕПЕЛЕВ, Айуол НОВИКОВ, VI кылаас,
Чакыр орто оскуолата, Амма