Мин эбэм Чемезова (Данилова) Татьяна Спиридоновна-Майаак Таанньа 1936 сыллаахха Горнай улууһун Мытаах нэһилиэгэр төрөөбүтэ. Олоҕун тухары тыа хаһаайыстыбатыгар үлэлээбитэ.
Эбэм Горнай улууһун бочуоттаах олохтооҕо, «Үлэ Кыһыл Знамя» уордьанын кавалера, Саха Өрөспүүбүлүкэтин үтүөлээх үлэһитэ. Кэргэнэ, эһэм Чемезов Владимир Михайлович, 54 сыл бииргэ эйэ-дэмнээхтик олорбуттара, 5 оҕолоохтор, 13 сиэннээхтэр, 14 хос сиэннээхтэр.
Эбэм хаарбах хаһаайыстыбаларга баран үлэни көрөрө, үөрэтэрэ, настаабынньыктыыра, ол иһин кинини «Майаак Таанньа» диэн ааттаабыттара. Эбээм депутат буолан, элбэҕи туруорсара, элбэх мунньахха сылдьара.
Кини элбэх наҕараадаларынан бэлиэтэммитэ, ол курдук:
1976, 1977, 1978 сс. – “Социалистическай күрэх кыайыылааҕа” знак.
1986 с. – “ССРС народнай хаһаайыстыбатыгар ситиһиилэрин иһин” боруонса мэтээл.
1986 с. “Ветеран труда” мэтээл.
1997 с. – “Маршал Советского союза Жуков” мэтээлэ.
2006 с. – “Улууска киллэрбит кылаатын иһин” знак.
“РСФСР тыатын хаһаайыстыбатын үтүөлээх үлэһитэ”
«СР Бочуоттаах бэтэрээнэ»
Горнай улууһун Бочуоттаах олохтооҕо
САССР Үрдүкү Сэбиэтин Бочуотунай грамотатынан
2015 с. “СР тыатын хаһаайыстыбатын туйгуна” знагынан
2015 с. “Сэрии оҕолоро” мэтээл
“Улуус социальнай-экономическай сайдыытыгар киллэрбит иһин” знагынан наҕараадаламмыта.
«58 сыл тыа хаһаайыстыбатын сайдыытыгар үлэлээн кэллим, оҥорбутум туппутум элбэх, бэйэм кылааппын сөптөөҕүн киллэрдим дии саныыбын. 5 оҕо ийэтэбин, 13 сиэннээхпин, 14 хос сиэннээхпин», — диир эбэм Татьяна Спиридоновна.
Биһиги кининэн киэн туттабыт уонна холобур оҥостобут!
Кирилл Чемезов,
С.П. Данилов аатынан Дьиикимдэ орто оскуолатын 8 кыл. үөрэнээччитэ.