Кеша Алексеев аатын сүгэр Хаптаҕай орто оскуолатыгар оскуола лидерын талыы тэрээһини ыытылынна. Кандидаттарынан Х кылаас уорэнээччилэрэ Калерия Готовцева уонна Ренат Васильев турдулар. Кинилэр хамаанда тэринэн, кылаастарынан сылдьан, үлэлэрин былаанын, бырагырааммаларын билиһиннэрдилэр.
Үлэлэрин сүрүн тутула оскуола олоҕо сэргэх, оҕолору биир өйгө-санааҕа түмэр сыалы-соругу ситиһии буолар.
Ол кэнниттэн куоластааһын буолла . Барыта 91 куолас киирбититтэн, Калерия Готовцева 56 куолаһы ылан, оскуола лидерынан талылынна.
Саҥа лидербытын эҕэрдэлиибит! Ситиһиилээх үлэни баҕарабыт.
Василена ДМИТРИЕВА, Х кылаас, «Кустук» телестудия,
Кеша Алексеев аатынан Хаптаҕай орто оскуолата, Мэҥэ Хаҥалас