Нэһилиэкпит сынньалаҥын киинин директора Марианна Семёновна Сивцева көҕүлээһининэн атырдьах ыйын 1 күнүттэн үлэлиэн баҕалаах оҕолору ыҥыран, олохтоох дьаһалтаны кытта сөбүлэҥ түһэрсэн, нэһилиэккэ волонтерскай этэрээт тэрилиннэ.
Волонтёрскай үлэҕэ биһиги сэттэ оҕо буолан киирбиппит: Винокурова Оля, Алексеева Милена, Расулов Салим, Аргунов Адам, Кондратьев Айсен, Тимофеева Оля. От ыйын 31 күнүгэр Сииттэ олохтоох дьаһалтатын баһылыктарын Тимофеев С. Т., Степанов П. П. кытары көрсүбүппүт. Кинилэр биһиэхэ үлэ хайысхатын быһаарбыттара.
Волонтёрскай үлэбитин нэдиэлэҕэ иккитэ үлэлиибит. Атырдьах ыйын 1 күнүгэр спортивнай плодщадкаттан саҕалаан Кыайыы скверыгар диэри бөҕү хомуйбуппут.
Тапталлаах Сииттэбит үүнэ-сайда, ыраас турарыгар биһиги бары биир санаанан үлэлэһэрбититтэн, кыттыһарбытыттан олус үөрэбит, астынабыт.
Тимофеева Оля, IX кылаас, В. Е. Колмогоров аатынан Сииттэ орто оскуолата, Кэбээйи