Быйыл Го остуол оонньуута «Азия оҕолоро» ооньууларга көрүҥ быһыытынан саҥа киирдэ.
Го 2 тыһыынча сыл анараа өттүгэр Кытайга үөскээбит оонньуу буолар. Урут бу оонньууну боруостуой олохтоох киһи чугаһаабат, үрдүк чыыннаах дьон эрэ оонньуур. Билигин бу оонньуу бүтүн аан дойдуну баһылаата, Саха сиригэр эмиэ киэҥник тарҕанна.
Саха сирин ГО федерациятын ИЛ Дархаммыт Айсен Николаев салайар. Азия оҕолорун оонньууларыгар Саха сириттэн 2 сүүмэрдэммит хамаанда кыттар чиэскэ түбэстэ.
8 оҕо, онтон 6 (түөрт уол, икки кыыс) оҕо Дьокуускай куораттан уонна 2 кыыс Чурапчы улууһуттан кэлбиттэр. Сүрүн тренер спорт маастара Дмитрий Корнев этэринэн, биһиги хамаандаларбыт балтараа сыл кэриҥэ дьарыктаммыттар.
Олус күүстээх оҕолор диэн сыаналыыр, онон кыайыыга эрэлбит улахан. Бүгүн Россия регионнарын хамаандалара күөн көрүстүлэр.
Уопсайа го-ҕа күрэх от ыйын 3 күнүгэр диэри буолар. Биһиги оонньууну болҕомтолоохтук кэтээн көрөбүт уонна бары кыттааччыларга үрдүк ситиһиилэри баҕарабыт.
«Азия оҕолоро» Оонньууларын оҕо пресс-киинин юнкордара Дима Саввинов,
Айаан Лазарев (хаартыскаҕа түһэрии)