Муома улууһун Улахан Чыыстай нэһилиэгин тыа хаһаайыстыбатын производственнай дьиэ кэргэнинэн көһө сылдьар «МАГИР» ыстаадатын олоҕун-хамнаһын туһунан cаайпытыгар элбэхтэ суруйан турабыт. Сайын аайы бу ыстаада иһинэн «Оралчимна» оҕо лааҕыра үлэлиир. Быйыл лааҕыр cаҥа сезонун арыйда уонна, буоларын курдук, элбэх оҕо-аймаҕы муста.
2022 сылтан сайыҥҥы бириэмэҕэ таба ыстаадатыгар үлэлиир оҕолорго үс ыйдаах хамнас төлөнөр буолбута. Инньэ гынан оҕолор түбүктэрэ сыаналанан, табаһыт оҕолор билигин хамнас аахсаллар.
Айсен Соркомов, 7кыл.
Ыстаадаттан (аныгы үйэ буолан спутниковай Интернет баар) «Магир» община бэрэссэдээтэлэ Екатерина Дьячкова иһитиннэрэр:
— Билигин ыстаадаҕа алта оҕо кэллэ. Сорох оҕолор, 9 кылаас үөрэнээччилэрэ, экзамен кэннэ кэлиэхтэрэ. Быйыл икки табаһыт оҕо хамнастаах үлэһиттэр, биир ый кинилэргэ хамнас көрүллэр. Хомойуох иһин, быйыл хамнас ылар табаһыт оҕолор ахсааннарын аҕыйаттылар, хамнастара эмиэ кыччаата. Оҕолорбут итини өйдүүллэр, бириэмэбит итинник буоллаҕа. Эбии онон общинаттан хамнас көрүллүөҕэ диэн быһаардыбыт. Үлэ бырагырааматыгар хапсыбатах оҕолорбутун эмиэ умнубаппыт, кинилэри эмиэ кыра да буоллар хамнастыахпыт.
Оҕолор устан ыыппыт видеоларын сэргии көрүҥ:
keskil14.ru