Бу күннэргэ биһиги оскуолабыт Чакыр нэһилиэгиттэн өрүспүүбүлүкэтээҕи «Рисуем все» бырайыак чэрчитинэн, эстафетаны тутта.
Бу күнтэн саҕалаан үөрэнээччиллэр, учууталлар буолан араас тэрээһиннэргэ кытынныбыт. Алын кылаас оҕолоро асфальтка дьэрэкээн ойуулары уруһуйдаан, оскуолабыт иннин киэргэттилэр. Орто сүһүөх үөрэнээччилэрэ айылҕаҕа тахсан пейзаж уруһуйдаатылар. Онтон учууталлар, улахан кылаастар социальнай педагог Любовь Ивановна Филиппова салалтатынан портрет уруһуйдааһыныгар холонон көрдүлэр. Любовь Ивановна этэринэн, уруһуй киһи ис туругун уонна айылҕаны көрүүтүн кэҥэтэр.
Вадим КОЛЕСОВ, Х кылаас,
А.П. Илларионов аатынан Хайахсыт орто оскуолата, Чурапчы
Светлана Заровняева, С.П. Леонтьева хаартыскалара