Алексей Прокопьевич Павлов эппитинии, «Саха КВН»-ны бар дьон билэр буоллахтарына, «Саха КВН өрүү тыыннаах.
Кулун тутар 31 күнүгэр биһиги нэһилиэкпитигэр улуус оскуолаларын икки ардыгар «Саха КВН» буолан ааста. «Уруккулуу олорор табыллыбат. Саҥа суолу тобуларга» диэн тиэмэлээх ыытылынна. Балаһыанньа быһыытынан, хамаанда састааба 14-тэн үөһээ саастаах 10 үөрэнээччиттэн турар.
КВН-ҥа үс хамаанда кытынна: «Намбер Уан» (Хатылы орто оскуолата), «3н Эмээхмин Протакжен» (Болтоҥо орто оскуолата) уонна «Хадаар Абытайдара» (Хадаар орто оскуолата).
Хамаандалар түөрт түһүмэхтээх оонньууларын үс киһиттэн састааптаах дьүүллүүр сүбэ сыаналаата.
Бастакы түһүмэххэ «Боотур Уус сыдьаннарбыт» диэн эҕэрдэлэһии буолла. Иккис – «Биалтон”, эргиир аайы иккилии көрүдьүөс. Үһүс – биир нүөмэр түһүмэҕэ, 3 мүн. миниатюра. Төрдүс «Ырыа аргыстаах дьиэтээҕи сорудах» музыкальнай түһүмэх «Уруккулуу олорор табыллыбат. Саҥа суолу тобуларга!» диэн тиэмэлээх ыытылынна. Хамнаадалар бары түһүмэхтэргэ олус үчүгэйдик кытыннылар.
Түмүккэ кыайыылааҕынан «Хадаар Абытайдара» ааттанныбыт уонна муус устар ый саҕаланыыта Майаҕа ыытыллар өрөспүүбүлүкэтээҕи «Саха КВН» оонньуутугар Чурапчы улууһун чиэһин көмүскүү барар буоллубут.
Болтоҥо орто оскуолатын VIII кылааһын үөрэнээччитэ Ариян Максимов «Көрдөөх көкөт» анал ааты ылла. «Күн күлүк» ааты дьүүллүүр сүбэ миэхэ туттарда.
Кэлэн кыттыыны ылбыт Хатылы, Болтоҥо оскуолаларын хамаандаларыгар ситиһиини, сайдыыны, «Саха КВН»-ны кытта куруук бииргэ буоларгытыгар баҕарабыт.
Алёна КСЕНОФОНТОВА, Vll кылаас,
С.Д. Флегонтов аатынан Хадаар орто оскуолата, Чурапчы