Ыам ыйын 18 күнүгэр аан дойду үрдүнэн Түмэл күнэ (Международный день музеев) үөрүүлээхтик бэлиэтэнэр. Бу күн түмэллэр суолталара улаатарын, культурабытын харыстыырбытын, историябытын кэрэхсиирбитин өйдөтөр
Ол чэрчитинэн, биһиги улууспутугар, Майа сэлиэнньэтигэр, улуустааҕы кыраайы үөрэтэр түмэлгэ (Музей краеведения) сэргэх тэрээһиннэр буоллулар. Түмэл үлэһиттэрэ ыалдьыттары ураты быыстапканан көрсүстүлэр уонна сэдэх экспонаттары кэпсиир конференция ыытылынна. Быыстапкаҕа улууспут устуоруйатын, культуратын кэрэһэлиир экспонаттар турдулар. Конференция кыттыылаахтара улууспут түмэллэригэр сэдэх экспонаттары көрдөрдүлэр уонна устуоруйаларын кэпсээтилэр.
Филипп Гаврильевич Охлопков аатынан Майа орто оскуолатын «Түмэн» медиа киинин эдэр кэрэспэндиэннэрэ Снежана Яковлева уонна Карина Сивцева бу күнү сырдата кэллибит. Биһиги түмэл үлэһиттэрин кытта кэпсэттибит, ыалдьыттар санааларын иһиттибит. Түмэл күнэ олус интэриэһинэйдик, туһалаахтык ааста диэн санааҕа кэллибит.
Түмэл күнэ – культураны, устуоруйаны сыаналыыр, ааспыт үйэлэр кэскиллэрин харыстыыр дьоһуннаах күн!
Сиһилии репортажпытын көрөргүтүгэр ыҥырабыт:
Снежана Яковлева, Карина Сивцева,
«Түмэн» медиа киин,
Ф.Г. Охлопков аатынан Майа орто оскуолата.