Ойуур баһаардарыттан эмсэҕэлээбит Сахабыт сирин нэһилиэктэриттэн оҕолор сынньанар кииннэргэ барыыларыгар тустаах уонна дьаһаллаах үлэ ыытыллар. Билигин Уус-Алдан улууһун оҕолоро Дьокуускай куоракка «Энергетик» лааҕырга сынньана сылдьаллар.
Лааҕыр куорат таһыттан тэйиччи тыа быыһыгар турар, бэйэтэ оонньуур киэҥ-куоҥ былаһааккалаах, сөтүөлүүр бассейннаах. Бу смена оҕолорго араас туһалаах бырагырааманы, культурнай, спортивнай күрэхтэри, араас интэриэһинэй көрсүһүүлэри тэрийдэ.
Оҕолор астына-дуоһуйа сынньаналлар, үөрэллэр-көтөллөр, санаалыын чэпчииллэр. Элбэҕи билэн-көрөн, доруобуйаларын бөҕөргөтөн үүнэр саҥа үөрэх дьылын күүс-уох эбинэн көрсүөхтэрэ диэн бигэ эрэллээхпит.