5 кылааска үөрэнэр Сааскылаана Бубякина үөрэҕэр наар «4» уонна «5» сыанаҕа үөрэнэр. Кини наһаа кичэл уонна барытыгар олус көхтөөх. Ол курдук оскуола, улуус, республика ыытар араас куонкурустарыгар куруутун кыттар. Үгүстүк миэстэлэһэр. Саахыматтыыр, нуучча дуобатын сөбүлээн оонньуур. Биир сөбүлүүр дьарыга уруһуй буолар. Ол курдук, Сааскылаана аахпыт айымньытын олус бэркэ уруһуйдуур. Дьиэҕэ үлэҕэ аахпыт кэрчик, айымньы ис хоһоонун уруһуйдаан кэлии диэни олус сөбүлээн толорор.
Оскуолатааҕы уруһуй быыстапкатыгар куруутун кини үлэлэрэ баар буолаллар. Бу соторутааҕыта Сааскылаана Аан дойдутааҕы «Волшебный мир сказки» диэн оҕо уруһуйун куонкуруһугар кыттан дипломант аатын ылла. Онон Сааскылаананы ситиһиитинэн эҕэрдэлиибит!
Изабелла Ноговицына, Орто Халыма Өлөөкө-Күөл б.