Дьокуускай куоракка «Сосновый бор» оҕо сынньанар уонна чэбдигирдэр киинигэр «Саас» Форум сменатыгар сылдьан үөрэнним. Олохпор умнуллубат икки нэдиэлэ ааста диэтэхпинэ сыыспаппын.
Элбэх доҕоттордоннум, суруналыыстыка эйгэтигэр саҥаны биллим. Өрөспүүбүлүкэ араас улуустарыттан мустубут бастыҥ юнкор оҕолору кытта бииргэ түмсэн үлэлээтибит.
Хамаанданан үлэ диэн хайдах буолуохтааҕын биллим. Үс араас улуустан бэйэ-бэйэбитин бу иннинэ билсибэт оҕолор биир тылы булан, өйдөһөн- өйөһөн кылгас видеоролик оҥорон таһаардыбыт. Биир мүнүүтэлээх кылгас ролик сценарийын суруйуу, кадрдарын таҥыыта, оҥоруута, кадрга үлэлээһин, видеону сөптөөхтүк табан устуу – барыта-барыта улахан үлэ буоларын бэйэбитинэн биллибит.
Хамнаадабыт үлэтин түмүгүнэн, бастакы миэстэни ыллыбыт. Ону таһынан биһиги оскуолабытыттан Вадим Колесов, Света Заровняева, Сунтаар улууһун Күндэйэ оскуолатыттан Айаан Лазарев, Карнелия Исаголиева, Дима Саввинов, Юра Мохначевскай «Азия оҕолоро» VIII норуоттар икки ардыларынааҕы спортивнай оонньууларын сырдатыыга пресс кииҥҥэ үлэлии кэлэр ыҥырыыны туттулар. Маны таһынан Вадим Колесов, Дима Саввинов Москва куоракка ВДНХ-ҕа сылдьа, спортивнай суруналыыстыка хайысхатынан үөрэнэ барар буоллулар.
Хамаандам оҕолорун үрдүк ситиһиилэммиттэриттэн үөрэн туран, үрдүк ситиһиилэри баҕарабын.
Вика БОРИСОВА, XI класс, Хайахсыт, Чурапчы