Ыам ыйын 8 күнүгэр, Таатта улууһугар Уус-Амма нэһилиэгэр Үрүҥ хайа аартыгар «Уолан» байыаннай-патриотическай кулууп байыастара «Кыайыы сэргэтин»
күрүөтүн кырааскалаан, өйдөбүнньүк сурук иилэн кэлбиттэрэ.
Үөрүүлээх сиэр-туом иннинэ «Уолан» байыаннай-патриотическай кулууп байыастара Үрүҥ хайа аартыгар «Кыайыы сэргэтигэр» оскуола оҕолорун кытта баран күрүөнү кырааскалаатыбыт, өйдөбүнньүк сурук ииллибит. Бу күн оҕолор Үрүҥ хайаттан Кыайыы сэргэтигэр диэри марш-бросок оҥорон, Араассыыйа, Саха Өрөспүүбүлүкэтин, Таатта улууһун былааҕын уонна бэйэлэрин оскуолаларын былааҕын тутан кэллилэр. Бу чаҕылхай, өрө күүрүүлээх сүүрүү көлүөнэлэр утумнаах буолууларын уонна историяҕа ытыктабылын бэлиэтэ буолла.
Саха Өрөспүүбүлүкэтин муниципальнай сулууспатын туйгуна уонна ветерана, Уус Амма нэһилиэгин үһүс көлүөнэ түмсүүтүн салайааччыта Антонина Тарасовна Григорьева үүнэр көлүөнэҕэ историческай өйү-санааны уонна патриотизм иитиитин харыстааһын суолтатын тоһоҕолоон бэлиэтээтэ.
Ону тэҥэ Харбалаах сэлиэнньэтигэр Улуу Кыайыы 80 сылыгар аналлаах саҥа монумент аһыллыытыгар кытынныбыт. Бу пааматынньык Аҕа дойду Улуу сэриитин сылларыгар үс Амматтан бу монумент турбут сиригэр хорсун саллааттар фроҥҥа барбыт, историческай миэстэтигэр түөрт сэргэ аттыгар турар. Ити күн биһиги өбүгэлэрбит героизмын уонна эйэ иһин охсуспут буойуттарбыт туһунан ахтан-санаан, махтанан аастыбыт.
Монумент аһыллыыта ветераннарга убаастабыл бэриллиитэ эрэ буолбакка, бэйэбит төрүт өбүгэлэрбит героическай күүһүнэн эйэни сыаналыыр дьоһун суолталаах түгэн буолла. Бу пааматынньык биһиги күүспүт-биир сомоҕо уонна историяҕа убаастабыл буоларын санатар буолуоҕа.
Нария Хоютанова,
Г.Д.Бястинов-Бэс Дьарааһын аатынан Чымынаайы
орто оскуолатын X кылааһын юнкора
keskil14.ru