Ким да умнуллубат, туох да умнуллубат!
Ыам ыйын 9 күнүгэр Майа сэлиэнньэтигэр Аҕа дойду Улуу сэриитигэр Кыайыы 80 сылыгар анаммыт үбүлүөйдээх улахан улуустааҕы бырааһынньыктааҕы тэрээһин буолан ааста.
Сарсыардаттан 10 чааска Ф.К. Попов аатынан сквергэ Кыайыы Монуменыгар сахалартан бастакы Сэбиэскэй Сойуус Дьоруойа Федор Кузьмич Попов пааматынньыгар сүгүрүйүү, сибэкки дьөрбөтүн уурааһын буолла.
Майинскай уонна Герой Попов аатынан уулуссаҕа оскуола үөрэнээччилэрэ, уһуйаан иитиллээчиллэрэ уонна Мэҥэ-Хаҥалас улууһун дьоно мустан «Манчаары» стадиоҥҥа дылы сэлэлээн хаамтылар.
«Улуу Кыайыынан кынаттанан, эйэлээх олоҕу тутуоҕун!» диэн ааттаах үөрүүлээх тэрээһин 12 чаастан саҕаланна. Мэҥэ-Хаҥалас улууһун оскуолаларын үөрэнээччилэрэ Улуу Кыайыыга аналлаах военизированнай парадка кытыннылар, Хара уонна Майа оскуолалара театрализованнай дьүһүйүүнү көрдөрдулэр уонна бүтүүтүгэр «День Победы», «Тыыннаахтар умнубат сыллара» диэн ырыалары хорга ыллаатылар.
Манчаары аатынан стадиоҥҥа ыытыллыбыт тэрээһин кэнниттэн күнүс 14 чаастан Комсомольскай болуоссакка бырааһынньыктааҕы норуот күүлэйэ, оһуохай, «Кыайыыны уруйдуур ырыалар» диэн Мэҥэ-Хаҥалас улууһун нэһилиэктэрин самодеятельноһын эҕэрдэ кэнсиэрэ ыытыллыннылар.
Онтон Д. Ф. Ходулов аатынан култуура киинигэр 15 чаастан «Мэнэ Хаҥалас оройуона 1941-1945 сс. Аҕа Дойду Улуу сэриитин сылларыгар» диэн 34 туомнаах кинигэ сүрэхтэнниитэ буолла. Бу култуура киинин иннигэр 20 чаастан «Кыайыы кынаттаах Тохсус Маай» диэн ааттаах бырааһынньыктааҕы эҕэрдэ кэнсиэрэ ыытылынна. Онон Майа сэлиэнньэтигэр улахан бырааһынньыктааҕы тэрээһин түмүктэннэ.
✍ Миронова Марианна,
9-2 кылаас И.Г. Тимофеев аатынан Майа лиссиэйэ
keskil14.ru