Саха сирин хотугулуу-илин ѳттүгэр тыйыс тымныы кыhыннаах, ол эрэн нус бараан Томтор диэн сэмэй тыа сэлиэнньэтигэр олоробут. Уопсайа 1100 кэриҥэ киhи олорор. Бүгүн биhиги Кыайыы 80 сылын бэлиэтээhинин, нэhилиэкпит бүддьүөтүн туhунан нэhилиэкпит аҕа баhылыгын солбуйааччытын, Неустроев Айаал Николаевыhы кытта кэпсэттибит.
— Айаал Николаевич, дорообо. Хас биирдии ыал бюджеттаах, үптээх-харчылаах. Нэhилиэкпит эмиэ. Биhиги нэhилиэкпит бүддьүөтэ туохтан турарый?
— Дорообо. Саха сирин хас биирдии тыа сирин курдук биhиги нэhилиэкпит бюджета 92% субвенция, 8% нолуоктартан турар.
— Нолуок нэhилиэк бүдьүөтүн кытта туох сибээстээҕий?
— Нолуок бүддьүөттүүн сибээhэ улахан. Биhиги бүддьүөппүтүгэр сир, дьиэ-уот, атыы-эргиэн нолуоктара киирэллэр.
— Быйыл Кыайыы 80 сылын бэлиэтиибит. Нэhилиэкпитигэр Кыайыыга аналлаах хас даҕаны пааматынньык баар. Хас сыллаахха бастакы пааматынньыгы оҥорбуттарай уонна ону кѳрүүгэ-истиигэ туох ирдэбиллэр баалларый?
— 1995 сыллаахха Аҕа дойду Улуу сэриитин кыттааччыларыгар аналлаах Ѳрѳгѳй пааматынньыга туруоруллубутун билэбин. История кэрэhиттэрин харыстааhыҥҥа үлэ былаанынан бара турар.
— Томторго хас тыыл ветерана, сэрии огдообото, сэрии оҕото олороруй?
— 2 тыыл ветерана, 31 сэрии оҕото баар. Кинилэри куруук истэ-сэргии, билсэ сылдьабыт. Сыл аайы субботник кѳмѳтүнэн мас киллэрэбит уонна ыам ыйыгар бэлэх ас туттарабыт.
— Нэhилиэкпит Кыайыы 80 сылын кѳрсѳргѳ туох үлэни ыытарый?
— «2-с Бороҕон» нэhилиэгэр Кыайыы 80 сылыгар анаммыт тэрээhиннэр салҕаналлар. Саҥа баннердар, оформление сакаастаммыта. Пааматынньыктары саҥардыыга үлэ бара турар. Олохтоох ДК культура ѳттүгэр улахан былаан оҥостон олорор.
— Айаал Николаевич, түбүктээх үлэҕит быыhыгар ыйытыктарбытыгар эппиэттээбиккит иhин махтал!
Егорова Аурика, Н.М.Заболоцкай аатынан
Томтор орто оскуолатын 11 кылааһын үөрэнээччитэ,
юнкор пост «Чуурукта»