Хас биирдии киһиэхэ умнуллубат кэрэ кэминэн, хатыламмат үтүө түгэнинэн эргиллибэт оҕо саас уйатынан буолбут, сырдык өйдөбүллээх оскуолатааҕы сыллара буолаллар. Быйылгы үөрэх дьыла төһө да уустук усулуобуйаҕа саҕаланнар, үөрэнээччилэргэ, төрөппүттэргэ, учууталларга — барыбытыгар биир тэҥ долгутуулаах, күүтүүлээх күнүнэн буолар.
А.Е. Мординов аатынан Таатта лиссиэйин 11 кылааһын үөрэнээччилэригэр аналлаах билии күнүн үөрүүлээх линейкатын оскуола директора А.А. Неустроев оскуола бастыҥ үөрэнээччилэрин бэлиэтээн, истиҥ эҕэрдэтинэн арыйда.
Үөрэнээччилэри Таатта улууһа муниципальнай оройуон баһылыга М.М. Соров, Таатта улууһун депутаттарын Сэбиэтин бэрэссэдээтэлэ В.А. Охотин, нэһилиэк баһылыгын солбуйааччы М.М. Копырин, улуустааҕы үөрэх салалтатын начальнигын солбуйааччы М.Н. Луковцева оҕолорго баҕа санаа бастыҥын этэн, эрэллэрин биллэрдилэр.
Кэрэ чуор куоластаах Сардаана Дедюкина ылбаҕай ырыатын бэлэх уунна. Лиссиэй тарбахха баттанар бастыҥ выпускниктара Ариана Дорофеева, Родион Луковцев эҕэрдэ тылын эттилэр.
Маҥнайгы лыҥкынас чуорааны Санаайа Доргуева, Кэрэчээнэ Маркова, Настя Винокурова тыаһатар чиэскэ тиксэн, билии киэҥ аартыгар ыҥырдылар.
Бэһис уонна онус кылаас үөрэнээччилэригэр билии күнэ дистанционнай ньыманан ыытылынна. Билии күнүгэр хас биирдии кылааска «Кыайыы уруоктара» үрдүк таһымнаахтык аастылар. Уруок ис хоһоонун кэҥэтэн, иитэр өрүтүн күүһүрдэн, кылаас салайааччыта И.М.Луковцева «Албан аат» мусуойтан Маргарита Арисовна Попова кыттыылаах «Сахалартан бастакы разведчик Андросов Георгий Михайлович», С.Д. Турнина «Уроки мира и добра», С.С.Сыромятникова «Энтузиаст по увековечению памяти Уваров Иннокентий Алексеевич», В.Ю. Михайлова «Великая победа в единстве народа», А.Н.Сыромятникова «Тропою памяти», Л.П. Аргунова «Дорога в пятый класс» тиэмэлээх уруоктары ыытан, оҕо интэриэһин тардар викториналарга кытыннардылар. Үөрэнээччилэр маҥнайгы уруоктан улуустарын историятын билэн, киэҥ хабааннаах уруоктан элбэҕи иҥэриннилэр.
Саҥа үөрэх дьыла учууталларга баай уопуту, үөрэнээччилэргэкиэҥ билиини, үрдүк ситиһиилэри, төрөппүттэргэ үтүмэн үөрүүрүүнү аҕала туруохтун!
Ааптар: Ариана Дорофеева, 11 кылаас.