Атырдьах ыйын 2-21 күннэригэр Дьокуускай куоракка “Энергетик” лааҕырга сылдьан, элбэх оҕону кытта билистим. Мин бэйэм иккис этэрээккэ сырыттым. Онтон Самир Герасимов бастакы этэрээкэ сырытта. Кини олус көхтөөх, бэһиэлэй уол. Ньурбу улууһун Күндээдэ нэһилиэгиттэн сылдьар. Футболунан, үҥкүүнэн дьарыктанар. Өссө оһуохайдыыр. Кини биир улахан ситиһиитэ Түбэй Дьаархан нэһилиэгэр Кыыл Уола – С.А. Зверев төрөөбүтэ 125 сыллаах үбүлүөйдээх Үрүҥ Тунах ыһыаҕар оҕолорго 1 үрдэли ылбыта буолар.
Мин санаабар, төрүччүтүн билэр, үөрэтэр, интэриэһиргиир оҕолор ситиһиилээх уонна Самир курдук элбэх дьарыктаах, олоххо көхтөөх буолаллар.
Ньургун НИКОЛАЕВ, VIII кылаас, Акана, Ньурба