Үтүө киһи үгүс доҕордоох.
Үтүө киһи үтүөтэ үс үйэ тухары умнуллубат.
Тааттатааҕы «Сатабыл» оҕо айымньытын дьиэтин «Түөлбэ баһаатайа» сайыҥҥы оскуолатын үлэтэ күөстүү оргуйар. Ол курдук, бэс ыйын 22 күнэ – партнердары кытта үлэ күнэ. Бүгүҥҥү күннээҕи билии-көрүү эйгэтин хаҥаттылар партнердарбыт «Дьиэ кэргэни уонна ыччаты кытта үлэлиир Республиканскай психологическай киин” Тааттатааҕы филиалын практик ппсихологтара Айталина Артуровна Филиппова, Ольга Спартаковна Дьяконова, Таатта улууһун 32 нүөмэрдээх баһаары утары охсуһар этэрээтин инструктора Сабрина Илларионовна Абрамова, практиканнар Сергей Порядин, Станислав Барбасытов, Тааттаҕы ГИМС госинспектордара Сергей Романович Дорофеев, Николай Зиновьевич Варламов, «Сарыал» култуура киинин художественнай салайааччыта Лилия Андреевна Сергеева, Тааттатааҕы “Туллукчаан” оҕо библиотекатын библиограба Анна Егоровна Моностырева.
Партнердарбыт 100- кэ оҕоҕо түөлбэлэринэн арааран бэһиэлэй оонньуулары ыыттылар, куонкурустары тэрийдилэр, үлэлэрин туһунан кэпсээтилэр, олоххо туһалаах сүбэлэри биэрдилэр. Оҕолор олус астынан, сэргээн, билиилэрэ-көрүүлэрэ эбиллэн бу күнү олус интириэһинэйдик атаардылар.
Партнердарбытыгар улахан махталбытын этэбит, кэскилбит, кэнчээри ыччаппыт – оҕолорбут сайдалларыгар күүс-көмө буолан таһаарыылаах үлэбит үтүө түмүктээх буоллун, үгүс оҕону тарда турдун.
«Сатабыл» медиа-студията, Тааттатааҕы «Сатабыл» оҕо айымньытын дьиэтэ.