Биһиги нэһилиэкпитигэр Петр Петрович Кондратьев «Сатабыл Азбука» кинигэтин сүрэхтэниитэ буолан ааста. Петр Петрович ураты көрдөрүүлээх педагогика наукатын кандидата буоларын туһунан бэлиэтээн эттилэр. Кинини учуонай быһыытынан улаханнык убаастыыллара, ытыктыыллара. Петр Петрович Кондратьев сатабыл технологиятын өр сылларга үөрэтэн, оҕону иитиигэ ситиһиилээхтик туһана сылдьар Егор Владимирович Адамов, Петр Петрович Тарасов, Андрей Васильевич, Лидия Степановна Сивцева, Инокентий Иннокентьевич ааттарын ааттаатылар.
65 сыл үөрэнэн-үлэлээн ааспыт, «Сатабыл» олоххо киирэрин туһугар үгүс сыратын биэрбит Петр Петрович Кондратьев баара буоллар бүгүҥҥү тэрээһинтэн наһаа үөрүө этэ. Тоҕо диэтэххэ, кини үлэтин умнубаттар. П.П. Кондратьев – Чурапчы көһөрүллүүтүн кыттыылааҕа, РСФСР үөрэҕириитин, Саха Өрөспүүбүлүкэтин тыатын хаһаайыстыбатын туйгуна, Учууталлар учууталлара, Саха Өрөспүүбүлүкэтин Ытык кырдьаҕаһа, педагогическай наука кандидата. Эдэр эрдэҕиттэн айар үлэнэн дьарыктанара, уһанара. «Итэҕэйиҥ» (1996 с.), «Айыллыы анала» (2005 с.), «Санааларым саҕыылара» (2014 с.) кинигэлэрдээх.
Үтүө дьон баар буолан, үтүө куруутун баар.
Сайаана ФЕДОРОВА, VI кылаас,
С.Д. Флегонтов аатынан Хадаар орто оскуолата, Чурапчы
Айыллаана Давыдова хаартыскалара, VI кылаас