Сунтаар бастакы нүөмэрдээх орто оскуолатыгар Кыайыы күнүн көрсө араас тэрээһиннэр ыытылыннылар. Бүтүн Арассыыйатааҕы «Окна Победы», «Бессмертный полк», «Георгиевская лента» акцияларга көхтөөхтүк кытынныбыт.
Кылаастарынан «Уроки мужества» кылаас чаастара буоллулар. Ол курдук, 7-б кылааска ветеран учуутал Елизавета Петровна Павлова ыалдьыттаата. Сорох кылаастарга оҕолор сэриигэ сылдьыбыт эһээлэрин туһунан кэпсээтилэр. Ветеран учууталлары дьиэлэригэр сылдьан Кыайыы күнүнэн эҕэрдэлээтилэр.
Кыайыы күнүгэр аналлаах линейка буолла. Онно биһиги оскуола физкультура учуутала Артур Эдуардович Гермогенов анал байыаннай операцияҕа сылдьан сырдык тыына быстыбыта. Киниэхэ аналлаах стендэ арылынна.
Эйэлээх олоҕу аҕалбыт сэрии ветераннарын, Кыайыыны уһансыбыт тыыл ветераннарын санаан, ахтан ааһар, саамай сырдык бырааһынньыкпыт — Кыайыы күнүнэн!
«Дулуур» медиакиин, Сунтаар 1-кы нүөмэрдээх орто оскуолата.