Сэтинньи 4 күнү Россия үрдүнэн Сомоҕолоһуу күнэ бэлиэтэннэ. Сунтаар улууһун Бордоҥ орто оскуолатын лидерэ Лариана Михайлова уонна «Кэскил» оҕо хамсааһынын активистара, үөрэнээччилэр бу бэлиэ күнүнэн эҕэрдэлэрин араас омук тылынан ыыталлар.
Сомоҕолоһуу диэн араас омук норуота доҕордоһуута, эйэлээх олоҕу тутуута буолар дии саныыбын.
Биһиги, саха омук оҕолоро, билиилээх, олоххо бэлэмнээх, айылҕаҕа харыстабыллаах сыһыаннаах, төрөөбүт дойдуга бэриниилээх, аҕам саастаах дьоммутугар ытыктабыллаах сыһыаннаах, араас норуоту кытта биир тылы булан кэпсэтэр, доҕордоһор буолуохтаахпыт. Бу буолар — сомоҕолоһуу.
Сомоҕо эрэ норуот эйэлээх, элбэҕи ситиһэр, үүнэр-сайдар, киэҥ билиилээх, кэрэни кэрэхсиир, сырдыкка тардыһар, элбэҕи тутар-айар.
Сунтаар улууһун Бордоҥ орто оскуолатын «Кэскил» оҕо хамсааһынын ахтыбыыстара көҕүлээһининэн үөрэнээччилэр араас омук тылынан Сомоҕолоһуу күнүнэн эҕэрдэбитин ыытабыт.