Сунтаар улууһугар 2021 сыл ҮТҮӨ ДЬЫАЛА сыла биллэрилиннэ. Улуус оскуолалара бу хайысханан араас үлэни былааннаатылар. Бордоҥ оскуолатын эр дьон учууталлара «90 үтүө дьыала» бырайыагы саҕалаатылар.
— Сунтаарга 2021 сыл Үтүө дьыаланы оҥоруу сыла биллэриллибитинэн уонна оскуолабыт үбүлүөйдээх сылын көрсө дириэктэр М.А. Максимов салайыытынан оскуолабыт эр дьоно түмсэн «90 үтүө дьыала» бырайыагы тэрийэн, бэтэрээн учууталларбытыгар, соҕотох олорор кырдьаҕас дьоҥҥо, көмөҕө наадыйар ийэлэргэ мас хайытан, туох үлэ баарынан көмө оҥорор былааннаахтар.

Ол курдук, тохсунньу томороон тымныытыттан толлубакка, бүгүн икки ыалга мас хайытан, үтүө дьыаланы саҕалаатылар. Эр дьон түмсэн, олус үчүгэй хамсааһыны саҕалаабыттара көрүөххэ да, истиэххэ да хайҕабыллаах. Бу курдук, мантан сиэттэрэн нэһилиэкпитигэр оҕолор, ыччаттар, эр дьоннор, общественнай түмсүүлэр, тэрилтэлэр бииртэн-биир үтүө дьыалалары саҕалыахпыт, тэрийиэхпит турдаҕа.
Бу үүммүт саҥа сылга түмсүүлээх, иллээх, эйэлээх, үтүө санаалаах, бэйэ-бэйэҕэ болҕомтолоох, чэгиэн-чэбдик буолуоҕуҥ!

Бу үүммүт саҥа сылга түмсүүлээх, иллээх, эйэлээх, үтүө санаалаах, бэйэ-бэйэҕэ болҕомтолоох, чэгиэн-чэбдик буолуоҕуҥ!
Источник: Сунтаар сонуннара