«World Skills» эбэтэр «Эдэр профессионаллар» диэн инники идэни табыгастаахтык таларга аналлаах күрэхтэһии. Бу хамсааһын кэлин олус күүскэ ыытыллар буолла. Ол курдук элбэх хайысханан бу күннэргэ ыытылла турар. Бастаан оройуоннарынан, онтон кыайбыттарга — өрөспүүбүлүкэ иһигэр.
Сэтинньи ый 24 күнүгэр Ньурба оройуонугар аан бастакынан Марха оскуолатыгар «Администрирование отеля» диэн көрүҥ ыытылынна. Манна сүрүн сыалынан гостиницаҕа наадыйбыт дьоннорго көмө оҥорон бэйэҥ гостиницаҕар сөптөөхтүк уонна үчүгэйдик олохтооһун буолла. Ол аата гостиница администраторын оруолун кээмэйдээн көрөр күрэхтэһии буолар. Бастаан санаатахха, суолта ууруллубат эбит буоллаҕына, ис иһигэр киирэн көрдөххө, бу көрүҥ олоххо олус көмөлөөх эбит. Ол курдук биһиги дьону кытары тапсан кэпсэтэргэ, араас ыксаллаах түгэннэртэн тахсарга, сервис эйгэтигэр үлэлииргэ уонна тулуурдаах, дьонтон толлубат буоларга үөрэннибит. Бу үөрүйэхтэрбит кэлин сүрүн үлэ да буолбаталлар, эбии харчы өлөрөн гостиницаҕа, рестораҥҥа үлэлиирбитигэр туһалаах буолуо.
Бу күрэхтэһии күн биһиги оскуолаттан түөрт буолан баран кытынныбыт. Түмүгэр, 7 кылаастан Володя Герасимов бэйэтин категориятыгар 2 миэстэҕэ таҕыста. Мин 4 миэстэҕэ сырыттарбын да, хомойботум. Бары да син бэркэ кытынныбыт, кыахпытын холоннубут.
Эвелина ЖДАНОВА, «Ыллык» эдкорпост.
Ньурба, Хаҥалас.