Муус устар 25 күнүгэр Н.Е.Мординов-Амма Аччыгыйа аатынан Харбалаахтааҕы үөрэхтээһин холбоһугар Улуу Кывйыы 80 сыллаах үбүлүөйүн, Өрөспүүбүлүкэ күнүн көрсө “Мин-Өрөспүүбүлүкэ инники кэскилэбин!”–диэн тумус тыллаах “Ситиһии күнэ” буолан ааста. Үгэс буолбут сылын аайы ыытыллар сыл бастыҥнарын чиэстиир тэрээһиммит үрдүк таһымҥа буолла. Тэрээһиҥҥэ Тааттатааҕы үөрэх салаатын салайааччылара Иннокентий Иннокентьевич Дягилев, Татьяна Алексеевна Тютрина кыттыыны ыллылар.
И.И. Дягилев кэлэн иһэр бэлиэ күннэринэн эҕэрдэлээн туран, өрөспүүбүлүкэ технологияҕа олимпиадатын призера Яра Васильеваҕа, 7 кылаас үөрэнээччитигэр, үөрэх министерствотын Грамотатын туттарда. Үөрэнээччилэр ситиһиилэрэ учууталлар бэриниилээх, таһаарыылаах үлэлэрин үтүө түмүгэ буоларын бэлиэтээн туран, ситиһиилээх үлэлээх учууталларга: Антоева Раиса Дмитриевнаҕа, Кривошапкина Валентина Семеновнаҕа, Седалищева Евдокия Ивановнаҕа, Севастьянова Татьяна Семеновнаҕа, Трофимова Варвара Павловнаҕа, Уварова Ньургуйаана Алексеевнаҕа, Старостина Кристина Игнатьевнаҕа үөрэх салаатын Бочуотунай Грамоталарын туттартаата.
Үөрүүлээх тэрээһини1, 2 кылаас үөрэнээччилэрэ бу күннэргэ анаммыт хоһооннорунан, 4 кылаас үөрэнээччитэ Клим Макаров, 3 кылаас үөрэнээччилэрэ ырыаларынан, “Орто Амма кэскилэ” түмсүү эҕэрдэ үҥкүүтүнэн доҕуһуолланна. Онтон үөрэнээччилэри кылаастарынан үрдүк сыанаҕа ыҥыран, ситиһиилэрин билиһиннэрэн туран, Добун суруктары туттардылар.
Орто Амма дьаһалтатын аатыттан тыа хаһаайыстыбатын специалиһа Светлана Петровна Винокурова эҕэрдэлээтэ. “Мин төрөөбүт түөлбэбинэн киэн туттабын!” бырайыагы үлэлэтэр кылаас салайааччыларыгар махтанна.
Үтүө үгэс сыллата салҕанан иһэр. Ол курдук, “Предмети бастыҥ билээччилэри” анаан чиэстээһин буолла.
Бастыҥтан бастыҥнар анал стипендияларга тиксэн, үөрүү үрдүк өрөгөйүн биллилэр.
Санникова Аграфена Фоминична, Санников Кирилл Кириллович ааттарынан стипендияны 4-с кылааһы бүтэрээччигэ, үөрэҕин, олимпиадаларга ситиһиилэрин иһин бэриллэр, Иванов Эрсан, 4 кылаас үөрэнээччитэ ылла.
Мординов Трофим Егорович аатынан, история предметигэр уһулуччу ситиһиилэрин иһин бэриллэр стипендияны Кривошапкин Алеша, 10 кылаас ананна.
Яковлева Екатерина Максимовна аатынан стипендия, география предметигэр уһулуччу ситиһиилэрин иһин бэриллэр, Андреева Аля, 11 кылаас ылла.
Мординова Оксана Трофимовна аатынан стипендия оскуола, нэһилиэк олоҕор көхтөөх кыттыытын иһин бэриллэр, Гузаирова Янаҕа,11 кылаас үөрэнээччитигэр туттарылынна. Бу стипендиялары киэн туттар биир дойдулаахтарбыт ыччаттара хас сыл аайы анаан туттаралларын иһин улаханнык махтанабыт!
Борисов Альберт Захарович аатынан стипендияны Альберт Захарович оҕолоро саха тылын олимпиадатыгар уһулуччу ситиһиилээх оҕоҕо аныыллар, быйыл 7 кылаас үөрэнээччитэ Антоева Вероникаҕа туттардылар.
Харбалаах маҥнайгы тутааччыта, биллиилээх прораб Анисимов Афанасий Тарасович аатынан стипендияны черчение предметигэр ситиһиилээх Васильева Яраҕа,7 кылаас үөрэнээччитэ ылла.
Сэрии, үлэ бэтэрээнэ Соров Михаил Герасимович аатынан стипендия оскуола выпускнигар, өрөспүүбүлүкэ олимпиадаларыгар ситиһиилээх оҕоҕо бэриллэр, бу стипендия хаһаайкатынан Андреева Аля, 11 кылаас буолла.
Колотинский Петр Гаврильевич аатынан стипендия тыллаах-өстөөх, көхтөөх үөрэнээччигэ ананар, быйыл Миша Спиридонов тиксэн, үөрдэ-көттө.
Ефремова Мария Кононовна аатынан стипендия омук тылын бастыҥ билээччигэ ананар, бу стипендияҕа Никонова Арина, 3 кылаас үөрэнээччитэ тигистэ.
Рахлеева Анна Прокопьевна аатынан стипендияны 11 кылаас үөрэнээччитэ Ян Васильев ылла.
Дайбанныров Иннокентий Егорович аатынан бастыҥ олоҥхону ааҕааччы оҕоҕо биэрэр стипедияларын Федорова Айсаанаҕа, 7 кылаас, бастыҥ олоҥхоһут, оһуокайдьыт кыыспытыгар туттардылар
Корякин Иннокентий Дмитриевич аатынан уруһуйга, уус-уран оҥоһукка үрдүк ситиһиилэрин иһин стипендияны Никонова Милена, 10 кылаас тутта.
Маркова Ариада Анатольевна бастыҥ үлэһит оҕоҕо диэн стипендиятын Халыев Эрсан,7 кылаас үөрэнээччитэ ылла.
ОАО “Төлөн” тэрилтэ хас сыл аайы, бастыҥ спортивнай көрдөрүүлээх оҕолору өйөөн, анал стипендиянан наҕараадалыыр үгэстээх, Ол наҕараадаҕа тигистилэр: Слепцова Анджелия, 10; Халыева Дайаана,9; Герасимов Викториан,11 кылаастар үөрэнээччилэрэ
Маны таһынан билигин үлэлии сылдьар учууталлар:Блахирова Валентина Викторовна,Бястинова Ирина Романовна, Кривошапкина Валентина Семеновна,Севастьянова Татьяна Семеновна, Попова Марианна Степановна,Соломонова Дианна Егоровна хайысхаларынан бастыҥ ситиһиилээх үөрэнээччилэргэ бэйэлэрин ааттарынан стипендиялары туттардылар.
Ситиһиилээх үөрэнээччилэргэ сыллата анал стипендиялары туттаран,үөрэнээччилэрбитин үөрдэр, кэскиллээх олоххо сирдиир дьоммутугар барҕа махталбытын тиэрдэбит!
“Сыл бастыҥ үөрэнээччитин” үрдүк аатын 11 кылаас үөрэнээччитэ Васильев Ян сүктэ, олохтоох администрация анал бирииһин тутар чиэскэ тигистэ!
Салгыы актовай саалаҕа бары түмсэн, “Кыайыы дьыктаанын” суруйдубут.
Наҕараадаламмыт үөрэнээччилэрбит бу үөрүүлээх түгэнтэн кынаттанан, ситиһиилээх дьон буола үүнэн-үрдээн иһиэхтэрэ, өрөспүүбүлүкэ инники кэскиллэрэ буолуохтара диэн эрэлбит улахан! “Ситиһии күнэ” өссө үрдүк чыпчаалларга угуйа, ыҥыра туруохтун!
Виолетта Петрова, Валентина Кривошапкина Таатта, Харбалаах