Мэҥэ Хаҥалас улууһугар «WorldSkills-2022» сүүмэрдиир күрэхтэрэ буола тураллар. Биһиги оскуолабыт технология учуутала Семен Семенович Оконешников “Бастыҥ быыһааччы” компетенцияҕа дьаныардаахтык бэлэмнээн, хамаандабыт иккис сылын инники күөҥҥэ сылдьар. Былырыын өрөспүүбүлүкэҕэ 3 миэстэ буолан, кыайыы өрөгөйүн билбиппит. Быйыл да, күүстээхтик дьарыктанан илин-кэлин түсүһэр санаалаахпыт.
Бүгүҥҥү күрэх туһунан кэпсээтэххэ, уопсайа улууспут оскуолаларыттан 12 хамаанда кыттыыны ылла. Кыттааччылар 4 түһүмэххэ күөн көрүстүбүт. Ол курдук, бастаан баһаарынай таҥаһын бириэмэҕэ кэтэн баран, мэһэйдэри туоруу-туоруу эстафеталаабыппыт. Онтон саахалга түбэспит киһини быыһыырга, суһал көмөнү оҥорууга күрэхтэстибит. Биһиэхэ оскуолабыт инструктор-гигиениһа Т.И. Плотникова көмө оҥорорго үөрэппитэ. Быаны (узел) баайыыга “Туризм” куруһуогар дьарыктаммыппыт туһалаата. Хамаандабыт хамандыыра Максим Федоров БОП (боевая одежда пожарного) 28 сөк. иһигэр кэтэн саамай улахан баалы ылбыта. Уонна мин СЛР (сердечно-легочная реанимация) оҥорон хамаандабытыгар үрдүк баал эппитим.
Күрэҕи быраастар, МЧС үлэһиттэрэ сыаналаабыттара. Салгыы өрөспүүбүлүкэҕэ ситиһиилээхтик кыттарга бэлэмнэниэхпит.
Аина Капитонова, IX кылаас, Павловскай орто оскуолата.