Биһиги естественнай научнай хайысхалаах кылаас буолабыт. Инники идэбитин таларбытыгар учууталларбыт бу хайысхаҕа сыһыаннаах идэлээх дьону кытта көрсүһүүлэри тэрийэллэр.

Ол курдук, ытыктанар учуутал Егор Егорович Дьяконов биһиэхэ кэлэн М.К. Аммосов аатынан ХИФУ естественнай наукалар институтун туһунан сиһилии кэпсээбитэ. Бэйэтэ хайдах идэтин талбытын, студеннаабыт сылларын, учуутал быһыытынан үлэтин уонна үөрэнээччилэрин туһунан. Бэйэтин оҕото Егор Дьяконов оскуоланы ситиһиилээхтик бүтэрэн баран хас да үөрэхтэн аҕата үөрэммит кыһатын талан, араас куораттарга ХИФУ программатынан граннарынан стажировкаланан, билигин Германияҕа олорор, онкологиянан дьарыктанар. Үөрэнэргэ-олорорго ХИФУ барыларыттан ордук диэн санаатын үллэстэр. Егор Егорович баҕа санааҕа тирэҕирэн үөрэххэ кыһанарга, күүстээх санаалаах, дьулуурдаах буоларга сүбэлээтэ.

Кэбээйитээҕи ветеринарнай станция сэбиэдиссэйэ Наталья Николаевна Обутова уонна ветеринар Октябрин Октябринович Левин тыа сиригэр саамай наадалаах, элбэх түбүктээх ветеринар идэтин туһунан билиһиннэрдилэр. Тыа хаһаайыстыбатын специалиһа буоларга АГАТУга (Арктический госудраственный агротехнологический университет) биэс факультетыттан талан киирэн үөрэниэххэ сөп эбит. Киирии экзаменнары, киирдэххэ стипендия, олорор сир, үөрэх ис хоһоонун, үөрэҕи таһынан дьарык туһунан презентация көрдөрөн сиһилии кэпсээтилэр, барыбытыгар билиһиннэрэр буклет бэлэхтээтилэр. Ыалдьыттарбыт идэлэрин олус сөбүлүүллэрин, тыа сирин олоҕо, кэскилэ сайдыылаах, бигэ туруктаах буоларыгар бу идэ улахан суолталааҕын өйдөөтүбүт.
Идэлэрин туһунан кэлэн кэпсээбит ыалдьыттарбытыгар үрдүк ситиһиилэри, тус олоххутугар бары үтүөнү баҕарабыт.
Таня Кобякова, 11 “а” кылаас, “Нуклеус” пост, Кэбээйи оскуолата.