Чурапчы улууһун Төлөй орто оскуолатын 11 кылааһын үчүгэй үөрэнээччитэ Арсен Лаврентьев Ил Дархан Харыйата тэрээһиҥҥэ кыттар чиэскэ тигистэ.
Арсен алын сүһүөххэ туйгуннук, билигин үчүгэйдик үөрэнэр оскуола биир бастыҥ үөрэнээччитэ. Биһиги Арсены кытта уһуйааҥҥа бииргэ сылдьан, оскуолаҕа бииргэ алтыһан үөрэнэн, билигин 11 кылаас буоллубут. Кини эргиччи талааннаах, дэгиттэр диэтэхпитинэ сыыспаппыт. Үөрэҕэр кыһамньылаах, дьоҕурдаах, ахсаанньыт бэрдэ, ылбаҕай ырыаһыт, хомоҕой хоhooнньут, үҥкүүһүт. Ону таһынан, араас эбии дьарыктарга утумнаахтык дьарыктанар. «Юность» телестудияҕа хас да сыл сылдьан, тэрээһиннэри устуута, видео таҥыыта куруутун кини үрдүнэн буолар. Иллэҥ кэмигэр көмпүүтэр оонньуутунан үлүһүйэр, тиэхиньикэҕэ сыһыаннаах. Ону таhынан, IT өттүгэр 3D-моделированияҕа, робототехникаҕа ситиhиилэрдээх. Хоһоонньут уолаттарбыт сыл аайы ыытыллар «Көтүөххэ үрдүккэ хотойдуу» диэн өрөспүүбүлүкэтээҕи уоланнар ааҕыыларын кыайыылаахтара. “Бастыҥ ааҕааччы”, «Бастыҥ дебют» аатынан бэлиэтэммитэ. Арсен улууска математика, черчения, экология олимпиадаларыгар эмиэ миэстэлэспитэ.
Биһиги Арсеммыт — айылҕаҕа сылдьарын туохтааҕар да ордорор, сахалыы майгылаах, үтүө санаалаах, көрдөөх кэпсээннээх бастыҥ доҕор. Арсен Ил Дархан Харыйатыгар барар буолбутуттан олус үөрдүбүт. Доҕорбут өссө да айар-тутар талаана сайдан, өйө-санаата тобуллан истин. Инникитин үөрэҕэр үрдүктэн-үрдүк ситиhиилэри, туйгун доруобуйаны, баҕа санаата барҕара турдун диэн баҕа санаабытын тиэрдэбит.
Элла Хоютанова, 11 кылаас.
Төлөй, Чурапчы.