Быйыл Уус Алдан улууһугар өрөспүүбүлүкэ толоруулаах былааһын уорганнарын отчуоттуур бөлөҕүн Саха Өрөспүүбүлүкэтин култуураҕа уонна духуобунай сайдыыга миниистирэ Афанасий Ноев салайыаҕа. Отчуоттуур үс бөлөх тэриллэн, олунньу 11-13 күннэригэр нэһилиэктэринэн уонна улуус киинигэр Бороҕоҥҥо олунньу 14 күнүгэр түмүктүүр отчуот туруоҕа.
Бастакы бөлөҕү Афанасий Иванович Ноев салайар, бу бөлөххө улуус баһылыгын э.т. Илья Юрьевич Артамонов, тыа хаһаайыстыбатын миниистирин солбуйааччы Анна Александровна Стручкова, бу министиэристибэттэн Дмитрий Анатольевич Филиппов, Жанна Николаевна Дьячковская, тутуу министиэристибэтиттэн Гаврил Егорович Иванов, урбаан министиэристибэтиттэн Петр Гаврильевич Никифоров, В. Манчаары аатынан Спорт төрүт көрүҥнэрин өрөспүүбүлүкэтээҕи киинин дириэктэрэ Геннадий Анатольевич Васильев, култуура улуустааҕы управлениетын начаалынньыга Сергей Сергеевич Нафанаилов, улуус дьаһалтатын капитальнай тутууга уонна архитектураҕа управлениетыттан Иосиф Петрович Егоров, үөрэх управлениетыттан Тимофей Афанасьевич Гаврильев, социальнай көмүскэл управлениетыттан Елена Егоровна Кривошапкина, «Аҕа дойдуну көмүскээччи» СВО кыттыылаахтарын фондатын социальнай координатора Күннэй Платоновна Оконешникова, улуус кылаабынай бырааһа Сергей Гаврильевич Черкашин, ДьУоКХ улуустааҕы филиалыттан кылаабынай инженер Василий Васильевич Рожин, тыа хаһаайыстыбатын управлениетын начаалынньыга Петр Петрович Попов киирбиттэр.
Олунньу 12 күнүгэр Лөгөй нэһилиэгин киин бөһүөлэгэр Кэптэнигэ Артамонов И.Ю салайыылаах 1 бөлөх сылдьан олохтоохтор санааларын иһиттэ. Мунньахха киин ититии боппуруоһа үгүстүк этиллиннэ. Ол курдук, аҕыйах сыллааҕыта спорт саалата эргэрбититтэн сибээстээн сабыллыбыта, олохтоохтор саҥа спорт уораҕайын тутуллуутун туоһуластылар. Маны тэҥэ бөһүөлэкпитигэр икки оҕо уһуйаанынан олорбуппут, ол эрэн былырыыҥҥыттан ыла биир уһуйаан эргэрбитинэн сибээстээн бары биир уһуйааҥҥа сылдьаллар, олохтоохтор саҥа таас оҕо уһуйаана тутулларын туруорсаллар. Мунньах түмүгэр отчуоттуур бөлөх кыттыылаахтара олохтоохтор ыйытыыларыгар хоруйдары, быһаарыылары биэрдилэр.
ЯНИС СЫСОЛЯТИН, VII кылаас, юнкор пост «LegMedia», Лөгөй лицей-интернат, Уус Алдан улус