Ханнык баҕарар нэһилиэк тутаах тэрилтэтэ итититэр хочуолунай буолар. Норуокка куруутун тутаах дьоннорбут хачыгаардар диэн үрдүк чиэстээхтик киэн тутта ааттыыр дьоммутугар күнтэн күн убаастабылбыт муҥура суох буолар.

Кустуурга икки ититэр хочуолунай баар. Бастакы Кустуур аҥарын — олор истэригэр балыыһаны, дьаһалта дьиэтин, оскуоланы, маҕыһыыннары, спортсааланы ититиинэн хааччыйар. Иккис хочуолунай быйыл саҥа тутулунна уонна 2025 сылга үлэҕэ киирэн Кустуур иккис аҥарын — оҕо уһуйаанын, этно-култуурунай киини сылааһынан хааччыйыахтаах. Онон бу тутуу нэһилиэк олохтоохторун «Оо, үчүгэйин, саҥа үлэ миэстэтэ тахсыа» диэн тылларынан үөрэллэр.
Хачыгаардар биир да күн тымныппакка, сылааһы куруутун тутан олороллор, хас биирдии ыал дьоллоох, сылаас олоҕун хааччыйаллар. Ол биллэн турар, үлэҕэ бэриниилээх буолууну көрдөрөр.
Сылааһы оройуттан туппут дьоммут хачыгаардар эһиэхэ анаан муҥура суох махтал тыллара куруутун дуораһыйа турдуннар!
Наум Наумов, Кустуур орто оскуолатын 10 кыл. үөрэнээччитэ.
Эбээн-Бытантай улууһа.