Убаастабыллаах учууталлар, иитээччилэр, үөрэх тэрилтэлэрин үлэһиттэрэ, педагогическай үлэ бэтэрээннэрэ! Эһигини бу кэрэ бырааһынньыгынан, учуутал күнүнэн истиҥник эҕэрдэлиибин!
Биһиги бу күн өрүү сылаастык махтанан туран, аан бастакы кыайыыларга сирдээбит, элбэх билиини, олох муудараһын ыларга көмөлөспүт күндү учууталларбытын саныыбыт. Эһиги хас биирдии түбүктээх үлэҕит күнэ үгүс көлүөнэ ыччатын дьылҕатын быһаарар суолталаах.
Төһө да бүгүҥҥү күҥҥэ уустук усулуобуйаҕа үлэлии олордорбут, бу ыарахаттары барытын этэҥҥэ туоруохпут уонна тапталлаах төрөөбүт дойдубут туһугар туруулаһан туран үлэлиэхпит-хамсыахпыт. Учуутал, эн өрүү уопсастыбаннай олох үөһүгэр сылдьаҕын. Онон, саҥа үөрэх бырагыраамаларын, үлэлииргэ аналлаах аныгы ньымалары, араас научнай бырайыактары кытта кэбэҕэстик алтыһа үөрэнэҕин. Бэйэҥ талааҥҥынан, уопуккунан үөрэнээччилэриҥ, иитээччилэриҥ сүрэхтэрин сырдык уотунан саҕаҕын.
Махтанабыт эн үтүө санааҕар, сэргэх дууһаҕар, талан ылбыт бэриниилээх идэҕэр! Өрөспүүбүлүкэ оскуолалара дойду үрдүнэн үрдүк таһымҥа тахсыылара – бу учууталларбыт сыралаах үлэлэрин түмүгэ. Биллэн турар, үөрэнээччи ситиһиитэ учуутал тапталыттан, сатабылыттан, сайдыытыттан быһаччы тутулуктанар.
Олохпут туруга сайдарыгар үөрэхтээһин биир саамай сүрүн миэстэни ылар. Өрөспүүбүлүкэбит ити чааһыгар саҥа бөдөҥ бырайыактары олоххо киллэрэр, үлэлэтэр. Кэлиҥҥи сылларга РФ Бырабыытылыстыбата учууталлары, үөрэхтээһини улаханнык өйүүр буолбута үөрүүлээх уонна кэскиллээх суол.
Ытыктабыллаах биир идэлээхтэрим, эһиэхэ ис сүрэхпиттэн айар үлэҕитигэр үрдүк ситиһиилэри, доруобуйаны уонна этэҥҥэ буолууну баҕарабын. Үтүө үлэҕит түмүгэ – оҕо аймах махталлаах мичээрэ олоххут устата арыаллыы турдун!
М.П. Сивцев,
СӨ үөрэҕин уонна наукатын миниистирэ.