Өркөн Постников быйыл алын сүһүөҕү бүтэрэн, орто сүһүөххэ таҕыста. Кини — Дьокуускай Мархатын 1 №-дээх оскуолатын туйгун үөрэнээччитэ.
Оскуолаҕа киирэригэр «Азбука» маҕаһыын тэрийэн ыыппыт уруһуй куонкуруһугар 1 миэстэ буолан, үөрэххэ туттар толору маллаах үрүксээк бэлэх олус тутан, олус үөрбүтэ.
Маҥнайгы кылаастан уруһуй уонна илиинэн оҥоһук үгүс куонкурустарыгар ситиһиилээхтик кыттар.
Билигин улаатан, массыыналар араас мааркаларын бытархай чаастарыгар тиийэ уруһуйдуур буолла. Ватман кумааҕыттан, пластилинтан массыына макеттарын оҥорорго холонор. Фанераны анал приборунан сиэтэн уруһуйдаан, бириэмэтин билбэккэ аһарар, умсугуйан оҥорор.
Оҥороругар туох эмэ сатамматаҕына, төрөппүттэрэ, эдьиийэ Карина куруутун сүбэ-ама буолаллар. Араас куонкурустарга кыттарга көҕүлүүллэр.
Өркөн игирэ бырааттара Эрчимнээх Мичилгэ холобур буолар, оҕолоро киниттэн элбэххэ үөрэнэллэр.