Бу дьыл балаҕан ыйыттан хас нэдиэлэ аайы бастакы уруогунан «Разговоры о важном» уруок тиһигин быспакка ыытылла турар.
Алтынньы 17 күнүгэр Ороһу оскуолатын 7 кылааһыгар култуураҕа уонна муусукаҕа аналлаах уруок ыытылынна. Уруогу кылаас салайааччыта Иван Семёнович Захаров ыытта.
Уруок хаамыытыттан сырдаттахха, Россияҕа олорор омуктар култуураларыттан билиһиннэриини таһынан, музыкальнай үнүстүрүмүөннэри видеонан көрдөрдө. Чуолаан саха сиригэр оҥоһуллар хомуһу, кырыымпаны туһанан, Николай Хобусаров оркестр тэрийэн үлэлэппитин кэрэхсии иһиттибит.
Кылаас оҕолоругар араас омуктар муусукаларын тыаһатан, таайбараҥ таайтарда. Оҕолортон ордук ханнык омуктар муусукаларын, ырыаларын сөбүлээн истэрбитин ыйытта. Биһиги, кыргыттар, кэриэй омуктар муусукаларын, ырыаларын сөбүлүүрбүтүн этиннибит. Уолаттар саха ырыаһыттарыттан Аскалон Павловы, Байбал Сэмэнэби, Айыы Уолун, Киджаны истэллэрин сөбүлүүллэр эбит.
Уруок хайдах ааспытын куйаар ситиминэн анкета толорон сыанабыл биэрдибит, Иван Семёнович уруогун туйгунунан сыаналаатыбыт.
Алина ЯКОВЛЕВА, 7 кылаас үөрэнээччитэ, «Тымтык» пост,
Ороһу нэһ..