Тапталлаах Сахабыт өрөспүүбүлүкэтэ төрүттэммитэ 100 сылын бэлиэтиир дьаһаллар тиһигин быспакка ыытыллаллар, бэлиэтэнэллэр. Биһиги Индигир орто оскуолатын үөрэнээччилэрэ бу сылга икки төгүл үбүлүөйдээх бэлиэ сыллары айхаллыыбыт. Төрөөбүт нэһилиэкпит төрүттэммитэ 90 сыла үөрүүлээх түгэн. Оскуолабытыгар онно аналлаах араас дьаһаллар ыытыллаллар.
Ол курдук үөрэх сылын түмүктүүр улахан кэнсиэр туруорулунна. Кэнсиэр иннинэ оскуола директора Светлана Афанасьевна Сен-Дун-Шен нэһилиэк олохтоохторугар сыллааҕы үлэ- хамнас туһунан кылгастык отчуоттаата, слайд көрдөрдө.
Кэнсиэри история учуутала Еремей Николаевич Протасов уонна 5 кылаас туйгун үөрэнээччитэ Местникова Оля ылбаҕай тылынан салайдылар. Кэнсиэри театральнай дьүһүйүүнэн арыйдылар. Саха чулуу саарыннара Платон Ойуунускай, Максим Аммосов, Исидор Барахов, Степан Аржаков хоҺооннорунан саҕаланна. Оруоллары оскуола үрдүкү кылааҺын уолаттара оонньоотулар.
Дьааһыла – саад кырачаан иитиллээччилэрэ ыллаан-үӊкүүлээн көрдөрдүлэр. Кэнсиэр биир кэрэхсэбиллээх түгэнинэн оҕолор кылаас салайааччыларын кытта үӊкүүлээн тэйдилэр: дьааհыла саад выпускниктара иттээччилэрин Анна Егоровналыын, Яна Николаевналыын, 4 кылаастар Ольга Васильевналыын, 9 кылаастар Светлана Дмитриевналыын, 11 кылаастар Афанасий Афанасьевичтыын. Урукку кэмнэри санатар спортивнай гимнастика, акробатика элеменнарынан имигэс кыргыттар кэнсиэри киэргэттилэр. Учуутал Еремей Николаевич сахалыы ырыанан эҕэрдэлээбитэ. Оскуола үлэҺит эр дьоннорун ансаамбыла «Сахам Сирэ» ырыаны ыллаан ньиргиппитэ, учууталлар кабардинскай үӊкүүнү бэлэхтээбиттэрэ эриэккэс сонун нүөмэрдэр буолбуттара. Даҕатан кэпсээтэххэ, бу ырыа уонна үӊкүү оройуоннааҕы педагогическай «Профшоу» күрэххэ бастакы, иккис миэстэ ылбыттара.
Кэнсиэр дебютунан 7 кылаас уолаттара Эрсан Хадаров, Ваня Соломов ырыалара буолбута. Кэнсиэргэ оскуола коллектива 100% кыттыбыта. Олохтоохтор оҕолор, учууталлар талааннарын көрөн астыннылар, үөрдүлэр.
Мила Габышева,
Ангелина Михайлова,
Оля Местникова,
«Сардаана» эдкорпост