Бырабыыталыстыба чилиэннэрин кытары көрсүһүүгэ дойдубут бэрэсидьиэнэ Владимир Путин «Пушкинскай каартаны» нууччалыы киинэлэргэ билиэти атыылаһар буолалларын туһунан бу дьыл сэтинньи 24 күнүгэр этэн аһарда.
Ил Дархан Айсен Николаев бу этиини өйүүрүн иһитиннэрдэ уонна сахалыы киинэлэргэ сылдьарга ыччат «Пушкинскай каартаны» эмиэ туһанар буолуоҕун эттэ. Бу бастатан туран, бэйэбит дойдубутугар уонна Сахабыт сиригэр уһуллан киэҥ эйгэҕэ тахсар киинэлэргэ улахан өйөбүл буоларын бигэргэттэ.
Санатар этэр эбит буоллахха, «Пушкинскай каарта» РФ бэрэсидьиэнэ Владимир Путин өйөөһүнүнэн бу дьыл балаҕан ыйын 1 күнүттэн үлэҕэ киирбитэ. Каартанан оҕолор уонна ыччат, 14-тэн 22-гэр диэри саастаах эдэр дьон, тыйаатырдарга уона мусуойдарга сылдьаллар. Быйыл «Пушкинскай каарта» суумата 3 тыһ. солк. эбит буоллаҕына, кэлэр сылга 5 тыс. үрдүүрэ бэлиэтэнэр.