Олунньу ый 6-9 күннэригэр Бүлүү куоратыгар ыытыллыбыт «Профессионалы – 2025» күрэхтэһиигэ «Преподавание в младших классах» диэн компетенцияҕа кыттыбытым. Бу түөрт күн миэхэ саҥа билиини-көрүүнү биэрдэ.
Бастакы күн чемпионат торжественнай арыллыытыттан саҕаламмыта, кыттааччылар бары дууһаларын ууран бэлэмнэммиттэрин сөҕө-махтайа көрдүм.
Иккис уонна үһүс күн практическай сорудахтарга анаммыта. Мин үөрэнээччилэрим олус көхтөөх этилэр, уруогум олус умсугутуулаахтык ыытыллыбытыттан үөрбүтүм дьүүллүр сүбэ мин уруокпун интэриэһэргээбитин, сырам-сылбам сыаналаммытын өйдөөтүм, ол миэхэ эрэли үөскэппитэ. Биһиги эмиэ бөлөхпүтүгэр уопут атастаһан, кэпсэтэн- ипсэтэн үлэлээбиппит.Төрдүс күнүгэр түмүгү таһаарыы буолбута. Түмүкпүн долгуйа күүппүтүм уонна бастакы миэстэни ылбыппын биллэрбиттэригэр олох күүскэ үөрбүтүм. Бу мин кыһамньыбын, билинии эрэ буолбакка, педагогическай үлэбэр сөптөөх суолбун бигэргэтии этэ. Төрөөбүт Тааттам, Чымынаайым аатын үрдүк таһымнаахтык ааттаппыппынан, уопут атастаһарбынан киэн туттабын.
Бу түөрт күн Бүлүү оройуонугар саҥа билиилэри, үөрүйэхтэри эрэ буолбакка, салгыы үлэлииргэ кыаҕы бэлэхтээтилэр. Мин дьиэбэр толору идеялаах уоннай бииргэ үөрэнэр, алтыһар оҕолорбун кытта үллэстэргэ бэлэм кэлбитим. «Профессионалы – 2025» профессиональнай сайдыы суолугар дьоһун хардыынан буолла уонна инникитин да салгыы сайдыам диэн эрэнэбин.
Кулун тутар 1 күнүгэр күрэхпит кыайыылаахтарын чиэстээһин Дьокуускай куоракка олус сэргэхтик ааспыта. «Алын сүһүөх кылаастары үөрэтии» компетенцияҕа кыттан 1 миэстэни ыларга ситиспитим. Бу наҕарааданы ылыы мин тус ситиһиим эрэ буолбакка, мин кыһамньыбын, идэбэр бэриниилээхпин туоһулуур буолан таҕыста. Тэрээһин мин санаабар үрдүк таһымҥа ааста. Казань куоракка бэйэм өрөспүүбүлүкэм аатыттан кытта барарбыттан киэн туттабын.
Түмүккэ, чемпионат тэрийээччилэригэр уонна бу күрэххэ бэлэмнээбит наставник учууталларбар Анна Григорьевна Нестереваҕа, Натали Алексеевна Куприяноваҕа истиҥ махталбын тиэрдэбин. «Профессионалы – 2025» идэҕэ, олохпор улахан ситиһии буолбутуттан үөрэбин, долгуйабын, киэн туттабын!
Нария Хоютанова,
Г.Д. Бястинов-Бэс Дьарааһын аатынан
Чымынаайы орто оскуолатын юнкора,
Таатта
keskil14.ru